News November 2, 2024
రోడ్లు బాగుంటే పరిశ్రమలు వస్తాయి: సీఎం

AP: గుంతలు లేని రోడ్లే తమ లక్ష్యమని సీఎం చంద్రబాబు అన్నారు. అనకాపల్లి జిల్లా వెన్నెలపాలెంలో రోడ్లపై గుంతలు పూడ్చే కార్యక్రమాన్ని ప్రారంభించారు. రాష్ట్రంలోని రోడ్లు నరకానికి రహదారులుగా మారాయని, ఈ దుస్థితికి గత పాలకుడే కారణమని విమర్శించారు. రోడ్లపై ఈత కొలనులు ఏర్పాటు చేశారని ఎద్దేవా చేశారు. రహదారులు బాగుంటే పరిశ్రమలు వస్తాయని చెప్పారు. సంక్రాంతిలోపు రోడ్లపై ఒక్క గుంత కూడా ఉండొద్దని ఆదేశించారు.
Similar News
News November 29, 2025
రైతులకు ఇబ్బందులు రాకూడదు: కొండపల్లి

రైతులకు ధాన్యం సేకరణలో ఎక్కడా ఇబ్బందులు రాకుండా అందరూ సమన్వయంతో పనిచేయాలని మంత్రి కొండపల్లి శ్రీనివాస్ స్పష్టం చేశారు. కలెక్టరేట్లో శనివారం జరిగిన సమీక్ష సమావేశంలో ఆయన మాట్లాడుతూ గత ఏడాది 3.35 లక్షల మెట్రిక్ టన్నుల సేకరణ లక్ష్యం పెట్టగా ఈ సంవత్సరం 4 లక్షల టన్నులకు లక్ష్యాన్ని పెంచినట్టు తెలిపారు. ధాన్యం సేకరణను రాష్ట్ర ప్రభుత్వం పారదర్శకంగా, వేగవంతంగా నిర్వహిస్తోందని చెప్పారు.
News November 29, 2025
యుద్ధం ముగింపే లక్ష్యం.. USకు ఉక్రెయిన్ ప్రతినిధులు

రష్యా-ఉక్రెయిన్ యుద్ధం ముగింపు దిశగా అడుగులు పడుతున్నాయి. US ప్రతిపాదించిన <<18354785>>పీస్ ప్లాన్పై<<>> చర్చించేందుకు ఉక్రెయిన్ ప్రతినిధులు వాషింగ్టన్ వెళ్తున్నట్లు ప్రెసిడెంట్ జెలెన్స్కీ వెల్లడించారు. వార్ ఆపేందుకు అమెరికా ఇటీవల 28 పాయింట్లతో కూడిన ప్లాన్ను ఇరుదేశాలకు పంపింది. ఇందులోని అంశాలు రష్యాకు అనుకూలంగా ఉన్నాయని జెలెన్స్కీ చెప్పారు. అయితే ట్రంప్ ఆగ్రహం వ్యక్తం చేయడంతో ఆయన మెత్తబడినట్లు తెలుస్తోంది.
News November 29, 2025
గ్రిడ్ కుప్పకూలితే రోజుకు ₹2,000 కోట్ల నష్టం: భట్టి

TG: రాష్ట్రంలో గ్రిడ్ కుప్పకూలితే రోజుకు రూ.2,000 కోట్ల వరకు నష్టం వస్తుందని Dy.CM భట్టి విక్రమార్క అన్నారు. ప్రజాభవన్లో విద్యుత్ రంగంపై ఆయన PPT ఇచ్చారు. ‘జాతీయ లక్ష్యాలకు అనుగుణంగా గ్రిడ్ నమ్మకాన్ని పరిరక్షించడానికి 5,000-6,000 MW థర్మల్ విద్యుత్ను తప్పనిసరిగా పెంచాలి. లక్ష్యాలను చేరుకునేందుకు పవర్ డిమాండ్కు అనుగుణంగా ఏటా 8.5% పవర్ గ్రోత్ ఉంటుంది. 2047 నాటికి ఇది 10% చేరుతుంది’ అని తెలిపారు.


