News August 23, 2024
రూ.2లక్షలపైన రుణం ఉంటే త్వరలో మాఫీ చేస్తాం: తుమ్మల
TG: రూ.2లక్షలకు పైగా రుణం ఉన్నవారికి త్వరలోనే దశలవారీగా మాఫీ చేస్తామని మంత్రి తుమ్మల నాగేశ్వరరావు స్పష్టం చేశారు. క్షేత్రస్థాయిలో తలెత్తిన సమస్యలపై వ్యవసాయశాఖ అధికారులతో చర్చించారు. కుటుంబ నిర్ధారణ లేని 4,24,873 ఖాతాల వివరాలను సేకరిస్తున్నట్లు చెప్పారు. అందుకోసం కొత్త యాప్‌ తీసుకొచ్చామన్నారు. అధికారులు రైతుల ఇళ్లకు వెళ్లి ఫిర్యాదులు స్వీకరిస్తున్నారని మంత్రి వెల్లడించారు.
Similar News
News January 26, 2025
12 రోజుల్లో రూ.260కోట్లకు పైగా కలెక్షన్స్
విక్టరీ వెంకటేశ్ నటించిన ‘సంక్రాంతికి వస్తున్నాం’ సినిమా బాక్సాఫీస్ వద్ద దూసుకుపోతోంది. ప్రపంచ వ్యాప్తంగా 12 రోజుల్లో రూ.260 కోట్లకు పైగా గ్రాస్ వసూళ్లను సాధించినట్లు మూవీ టీమ్ ప్రకటించింది. ఒక ప్రాంతీయ సినిమాకు ఇవే అత్యధిక వసూళ్లు అని పేర్కొంది. అనిల్ రావిపూడి దర్శకత్వం వహించిన ఈ సినిమాను దిల్ రాజు, శిరీష్ నిర్మించారు. ఐశ్వర్య రాజేశ్, మీనాక్షి చౌదరి హీరోయిన్లుగా నటించారు.
News January 26, 2025
ప్లాన్ ప్రకారమే ఆ బౌలర్‌ని టార్గెట్ చేశాను: తిలక్
ఇంగ్లండ్‌తో నిన్న జరిగిన టీ20 మ్యాచ్‌లో తెలుగు కుర్రాడు తిలక్ వర్మ చెలరేగిన సంగతి తెలిసిందే. 72 రన్స్ చేసిన వర్మ, ఇంగ్లండ్ స్టార్ బౌలర్ ఆర్చర్‌ బౌలింగ్‌లో 4 సిక్సులు కొట్టడంపై మ్యాచ్ అనంతరం వివరించారు. ‘ప్రత్యర్థి జట్టులో బెస్ట్ బౌలర్‌ను టార్గెట్ చేయాలని ముందే అనుకున్నా. లక్కీగా షాట్స్ వర్కవుట్ అయ్యాయి. జట్టును గెలిపించాలన్న పట్టుదలతో ఆడాను’ అని స్పష్టం చేశారు.
News January 26, 2025
పెరిగిన చికెన్ ధర
TG: రిపబ్లిక్ డే సందర్భంగా రాష్ట్రంలోని మాంసం దుకాణాలు మూసివేయాలని ఆదేశాలున్నా చాలాచోట్ల తెరిచే ఉన్నాయి. ఆదివారం కావడంతో ప్రజలు కూడా భారీగా కొనుగోళ్లు చేస్తున్నారు. దీంతో రేట్లు పెరిగినట్లు తెలుస్తోంది. గత వారం వరకు కేజీ చికెన్ ధర రూ.230-240 ఉండగా ఇవాళ రూ.280-300కు చేరింది. కొన్ని ప్రాంతాల్లో మాత్రం రూ.250లోపే పలుకుతోంది. మరి మీ ప్రాంతంలో చికెన్ ధరలు ఎలా ఉన్నాయి?