News October 10, 2025
మహిళలను అరెస్టు చేయాలంటే..!
దేశంలో మహిళల రక్షణ, ఆత్మగౌరవం కాపాడేందుకు పలుచట్టాలున్నాయి. వాటిలో ఒకటి.. అరెస్టు విషయంలో జాగ్రత్తగా వ్యవహరించడం. భారతీయ న్యాయ సంహిత సెక్షన్ 43(5) ప్రకారం.. సూర్యోదయంలోపు, సాయంత్రం సూర్యాస్తమయం తర్వాత మహిళను అరెస్టు చేయరాదు. ఒకవేళ ప్రత్యేక పరిస్థితుల్లో అరెస్టు తప్పదనుకుంటే ముందుగా మేజిస్ట్రేట్ అనుమతి తీసుకోవాలి. అరెస్ట్‌ చేయడానికి వచ్చిన టీమ్‌లో మహిళా పోలీసు అధికారి తప్పనిసరిగా ఉండాలి. <<-se>>#WOMENLAWS<<>>
Similar News
News October 11, 2025
అఫ్గాన్ల సపోర్ట్ ఎప్పుడూ భారత్‌కే: పాక్
తాము ఎన్ని త్యాగాలు చేసినా అఫ్గాన్లు మాత్రం భారత్ వైపే ఉంటారని పాక్ డిఫెన్స్ మినిస్టర్ ఖవాజా ఆసిఫ్ విమర్శించారు. ‘చరిత్ర చూస్తే అఫ్గానిస్థాన్ ఎప్పుడూ భారత్‌కు విధేయంగానే ఉంది. నిన్న, ఇవాళ, రేపు కూడా అదే జరుగుతుంది’ అని పేర్కొన్నారు. పాకిస్థాన్‌లో గత ప్రభుత్వాలు లక్షలాది మంది అఫ్గాన్ శరణార్థులకు ఆశ్రయం కల్పించడాన్ని తప్పుబట్టారు. పాక్ ధాతృత్వం గుడ్ విల్‌గా మారలేదని అసహనం వ్యక్తం చేశారు.
News October 11, 2025
కనక దుర్గమ్మ ముక్కు పుడకను కృష్ణమ్మ తాకితే?
పోతులూరి వీరబ్రహ్మేంద్ర స్వామి కాలజ్ఞానంలో చెప్పిన అనేక విషయాలు నిజమయ్యాయి. అలాగే.. విజయవాడ కనక దుర్గమ్మ ముక్కు పుడకను కృష్ణమ్మ తాకితే యుగాంతమే అని కూడా చెప్పారు. ‘అంత ఎత్తయిన కొండపైకి కృష్ణా నీరు రావడమంటే, అది ప్రకృతి ప్రకోపానికి, ప్రళయానికి సంకేతం. ఆ పెను మార్పు సంభవించినప్పుడు లోకంలో జీవరాశి నిలవడం కష్టం. ఇది యుగాంతానికి దారి తీసే భయంకరమైన దైవిక సంకేతం’ అని పండితులు చెబుతున్నారు.
News October 11, 2025
ముత్తాఖీ ప్రెస్‌మీట్‌.. ఉమెన్ జర్నలిస్టులకు నో ఇన్విటేషన్
ఇవాళ భారత పర్యటనకు వచ్చిన అఫ్గాన్ ఫారిన్ మినిస్టర్ ముత్తాఖీ మంత్రి జైశంకర్‌తో భేటీ తర్వాత ప్రెస్ కాన్ఫరెన్స్ నిర్వహించారు. దీనికి మహిళా జర్నలిస్టులను ఆహ్వానించకపోవడంపై విమర్శలొస్తున్నాయి. తాలిబన్ ప్రభుత్వం ఇంకా లింగ వివక్ష చూపుతోందని భారత మహిళా జర్నలిస్టులు మండిపడుతున్నారు. పురుష జర్నలిస్టులు ప్రెస్‌మీట్‌ను బాయ్‌కాట్ చేసి నిరసన తెలపాల్సిందని కొందరు అభిప్రాయపడ్డారు. దీనిపై మీరేమంటారు?