News May 1, 2024
మీకు రెండు గేదెలుంటే ఒకదాన్ని కాంగ్రెస్ తీసుకుంటుంది: మోదీ
మతం ఆధారంగా రిజర్వేషన్లు ఇవ్వబోమని కాంగ్రెస్ లిఖితపూర్వకంగా హామీ ఇవ్వాలని PM మోదీ అన్నారు. ‘కనీసం 272 సీట్లలో కూడా ఆ పార్టీ అభ్యర్థులను నిలబెట్టలేదు. కానీ ప్రభుత్వం ఏర్పాటు చేస్తామంటోంది’ అని గుజరాత్లోని బనస్కాంతలో జరిగిన ర్యాలీలో ప్రసంగించారు. ‘కాంగ్రెస్ అధికారంలోకి వస్తే మీకున్న రెండు గేదెలలో ఒక గేదెను తీసుకుంటుంది’ అని ప్రజలనుద్దేశించి వ్యాఖ్యానించారు.
Similar News
News March 11, 2026
20 నెలల్లో రూ.3.20 లక్షల కోట్ల అప్పులు: జగన్
AP: సీఎం చంద్రబాబు 20 నెలల్లో రూ.3.20 లక్షల కోట్ల అప్పులు తెచ్చారని YCP చీఫ్ జగన్ ఆరోపించారు. తాము కరోనా పరిస్థితుల్లోనూ తక్కువగానే అప్పులు చేశామని, ఇప్పుడు సీన్ రివర్స్ అయిందని విమర్శించారు. రాష్ట్ర ఖజానాలో మినిమమ్ బ్యాలెన్స్ కూడా లేదని, చంద్రబాబు బిల్డప్ మాత్రమే ఇస్తున్నారని ఫైరయ్యారు. అసెంబ్లీలోనూ అప్పులపై తప్పుడు లెక్కలు చెప్పారని, ఆ సమావేశాల వల్ల ఒరిగిందేమీ లేదని ప్రెస్ మీట్లో మండిపడ్డారు.
News March 11, 2026
ప్లాస్టిక్తో హార్మోన్ల అసమతుల్యత
ప్రస్తుతకాలంలో ప్లాస్టిక్ వాడకం విపరీతంగా పెరిగిపోయింది. ఆహారపదార్థాలను ప్యాక్ చేయడానికి ఎక్కువగా వీటినే వాడుతున్నారు. అయితే వీటిల్లో బిస్పినాల్ ఏ (BPA) రసాయనం ఉంటుంది. ఇది ఈస్ట్రోజన్, టెస్టోస్టిరాన్ సమతుల్యతను దెబ్బతీస్తుందంటున్నారు నిపుణులు. మగవాళ్లలో శుక్ర కణాల సంఖ్య తగ్గడం. ఆడవాళ్లలో PCOS, టైప్2 డయాబెటిస్, నాడీ వ్యవస్థ సమస్యలు వస్తాయి. కాబట్టి ప్లాస్టిక్కు దూరంగా ఉండాలని సూచిస్తున్నారు.
News March 11, 2026
మినిమం డిపాజిట్ చేయకపోతే అకౌంట్లు ఇనాక్టివ్!
మార్చి 31తో ఆర్థిక సంవత్సరం (2025-26) ముగియనుంది. మీ PPF, SSY (సుకన్య సమృద్ధి), NPS ఖాతాలు యాక్టివ్గా ఉండాలంటే ఆలోపు కనీస డిపాజిట్లు (PPF-₹500, SSY-₹250, NPS-₹1,000) చేయడం మర్చిపోవద్దు. ఒకవేళ చేయలేకపోతే ఆ ఖాతాలు ‘ఇనాక్టివ్’ స్టేటస్లోకి వెళ్తాయి. వీటిని తిరిగి యాక్టివేట్ చేయడానికి పెనాల్టీ చెల్లించాల్సి ఉంటుంది. అలాగే ట్యాక్స్ బెనిఫిట్స్ కూడా మిస్ అవుతారు.