News November 15, 2024
నెల రోజులు నాన్ వెజ్ మానేస్తే..
కొందరికి నాన్ వెజ్ లేనిదే ముద్ద దిగదు. రోజుకోసారైనా రుచి చూడాలని తహతహలాడుతుంటారు. కానీ నెలరోజులపాటు మాంసాహారం తినడం మానేస్తే ఎన్నో ఆరోగ్య ప్రయోజనాలు ఉన్నాయని నిపుణులు చెబుతున్నారు. నెలపాటు మానేస్తే అజీర్ణం, జీర్ణకోశ సమస్యలు తగ్గుతాయి. గుండె ఆరోగ్యం మెరుగుపడుతుంది. అధిక రక్తపోటు సమస్య తగ్గి, ఎముకల బలం పెరుగుతుంది. రోగనిరోధక శక్తి మెరుగవుతుంది. ఆర్థరైటిస్, వాపులు, నొప్పులు తగ్గుతాయని అంటున్నారు.
Similar News
News November 15, 2024
ఒంగోలు వైసీపీ ఇన్‌ఛార్జిగా రవిబాబు
AP: ఒంగోలు నియోజకవర్గ YCP ఇన్‌ఛార్జిగా చుండూరి రవిబాబును ఆ పార్టీ నియమించింది. ఈ మేరకు పార్టీ కేంద్ర కార్యాలయం ఒక ప్రకటన విడుదల చేసింది. అలాగే పార్టీ రాష్ట్ర కార్యదర్శులుగా కిల్లి వెంకట గోపాల సత్యనారాయణ (శ్రీకాకుళం), బొడ్డేడ ప్రసాద్ (అనకాపల్లి)లను నియమించింది. పార్టీ రాష్ట్ర కో ఆర్డినేటర్‌గా సజ్జల రామకృష్ణారెడ్డిని నియమించింది. ఆముదాలవలస YCP సమన్వయకర్తగా చింతాడ రవికుమార్‌కు బాధ్యతలు అప్పగించింది.
News November 15, 2024
శాంసన్, తిలక్ ఊచకోత.. భారత్ భారీ స్కోర్
చివరి టీ20లో సౌతాఫ్రికా బౌలర్లను భారత బ్యాటర్లు ఊచకోత కోశారు. శాంసన్(109*), తిలక్ వర్మ(120*) సెంచరీల మోత మోగించారు. జోహెన్నెస్‌‌బర్గ్‌లో బౌండరీల వర్షం కురిపించారు. దీంతో భారత్ 20 ఓవర్లలో 283/1 పరుగుల భారీ స్కోర్ చేసింది. సంజూ, తిలక్ విధ్వంసానికి సఫారీ బౌలర్ల వద్ద సమాధానమే లేకుండా పోయింది. మ్యాచ్‌లో మొత్తం 23 సిక్సర్లు బాదడం విశేషం. మరో ఓపెనర్ అభిషేక్ శర్మ 36 రన్స్‌తో రాణించారు.
News November 15, 2024
తిలక్ వర్మ విధ్వంసకర సెంచరీ
తిలక్ వర్మ వరుసగా టీ20ల్లో రెండో సెంచరీ బాదారు. సౌతాఫ్రికాతో 4వ టీ20లో విధ్వంసం సృష్టించిన అతడు కేవలం 41 బంతుల్లోనే సెంచరీ కొట్టారు. 9 సిక్సర్లు, 6 ఫోర్లతో సఫారీ బౌలర్లపై విరుచుకుపడ్డారు. అయితే అతడిచ్చిన 3-4 క్యాచ్‌లను ఫీల్డర్లు వదిలేయడం తి‘లక్’కు కలిసొచ్చింది. కాగా 3వ టీ20లోనూ తిలక్ సెంచరీ చేసిన విషయం తెలిసిందే. మరోవైపు సంజూ కూడా సెంచరీతో మెరవడంతో భారత్ 300 స్కోర్ దిశగా సాగుతోంది.