News October 25, 2024
అమెరికాలోకి అక్రమ చొరబాట్లు.. పట్టుబడుతున్న భారతీయులు
USలోకి అక్రమంగా ప్రవేశించే ప్రయత్నం చేసి గత ఏడాది కాలంలో 94,415 మంది భారతీయులు పట్టుబడ్డారు. వీరిలో సగానికి పైగా గుజరాతీలు ఉన్నారు. ఇలా ప్రతి గంటకు 10 మంది భారతీయులు పట్టుబడుతున్నారు. మెక్సికో మీదుగా ‘డాంకీ రూట్’పై అమెరికా నిఘాతో ఇలాంటివారు ఇతర మార్గాలు వెతుకుతున్నారు. గుజరాతీలు కెనడా విజిటర్స్ వీసాతో ట్యాక్సీల్లో USలో ప్రవేశించే ప్రయత్నం చేస్తున్నట్టు అధికారులు చెబుతున్నారు.
Similar News
News January 28, 2026
ఈయూ కరెన్సీ విలువ ఎంతో తెలుసా?
యురోపియన్ యూనియన్ కరెన్సీని ‘యూరో’గా పిలుస్తారు. దీని సింబల్ ‘€’. యూరోతో రూపాయి మారకం విలువ ప్రస్తుతం రూ.109.3గా ఉంది. ఒక్క యూరో 1.187 అమెరికన్ డాలర్లు, 0.867 UK పౌండ్లతో సమానం. మొత్తం 21 EU దేశాలు ఈ కరెన్సీని వినియోగిస్తున్నాయి. ఇటీవల బల్గేరియా దేశం యూరోను తన జాతీయ కరెన్సీగా స్వీకరించి ఈ లిస్టులో చేరింది. కాగా భారత్, ఈయూ మధ్య నిన్న ఫ్రీ ట్రేడ్ <<18973548>>అగ్రిమెంట్<<>> జరిగిన సంగతి తెలిసిందే.
News January 28, 2026
వరిలో కాండం తొలిచే పురుగు నివారణ ఎలా?
వరి నారుమడి దశలో కాండం తొలిచే పురుగును గుర్తిస్తే నారుమడిలో కార్బోఫ్యూరాన్ 3సిజి గుళికలు లేదా 600 గ్రా. ఫిప్రోనిల్ 0.3జి గుళికలు వేయాలి. ఒకవేళ నారుమడిలో వేయకపోతే 15 రోజుల వయసున్న, పిలకదశలో ఉన్న వరిపైరులో తప్పకుండా ఎకరాకు కార్బోఫ్యూరాన్ 3సిజి గుళికలు 10KGలు లేదా కార్టాప్ హైడ్రోక్లోరైడ్ 4G గుళికలు 8KGలు లేదా క్లోరాంట్రానిలిప్రోల్ 0.4G గుళికలు 4kgలను 20-25 కిలోల ఇసుకలో కలిపి బురద పదునులో వేయాలి.
News January 28, 2026
మిరపలో నల్ల తామర పురుగుల నివారణ ఎలా?
మిరపలో నల్ల తామర పురుగుల తీవ్రతను బట్టి ఎకరానికి 25కు పైగా నీలి రంగు జిగురు అట్టలను ఏర్పాటు చేసుకోవాలి. అలాగే బవేరియా బస్సియానా 5 గ్రాములు లేదా స్పైనటోరం 0.9ml మందును లేదా ఫిప్రోనిల్ 5% ఎస్.సి 2ML లేదా స్పైనోసాడ్ 45% ఎస్.సి 0.3MLలలో ఏదో ఒకదానిని లీటరు నీటికి కలిపి పిచికారీ చేయాలి. తామర పురుగు ఉద్ధృతిని బట్టి ఈ మందులను మార్చిమార్చి పిచికారీ చేయాలని వ్యవసాయ నిపుణులు సూచిస్తున్నారు.