News March 18, 2024

ఉండిలో ‘రాజు’లదే విజయం..ఈ సారి గెలుపెవరిదో..?

image

1952లో నియోజకవర్గంగా ఏర్పడిన ఉండి TDPకి కంచుకోట. ఇప్పటివరకు 16సార్లు ఎన్నికలు జరగగా 8సార్లు పాగా వేసింది. అందులో 1983-1999 వరకు TDP అభ్యర్థి K.రామరాజు వరుసగా 5సార్లు విజయం సాధించారు. అయితే ఇక్కడ గెలిచిన MLAలలో 8మంది పేర్లు ‘రాజు’లే కావడం గమనార్హం. 1970లో జరిగిన ఒక్కఎన్నికలోనే మహిళ అభ్యర్థి K.ఆండాళమ్మ ఇండిపెండెంట్‌గా గెలిచారు. ఈ సారి TDP నుంచి మంతెన రామరాజు, YCP నుంచి PVL నరసింహరాజు బరిలో ఉన్నారు.

Similar News

News November 29, 2025

రబీ సాగుకు నీటి కొరత రాకుండా చూడాలి: జేసీ రాహుల్

image

భీమవరం కలెక్టరేట్‌లో జాయింట్ కలెక్టర్ టి.రాహుల్ కుమార్ రెడ్డి అధ్యక్షతన శనివారం రబీ సాగుపై సమీక్ష జరిగింది. ఈ సమావేశానికి ఎమ్మెల్యే పులపర్తి రామాంజనేయులు ముఖ్యఅతిథిగా హాజరయ్యారు. రబీ సాగుకు రైతులకు ఎటువంటి నీటి కొరత లేకుండా అధికారులు చర్యలు తీసుకోవాలని జేసీ ఆదేశించారు. డిసెంబర్ 1వ తేదీ నుంచి దళ్వా సాగుకు నీటి సరఫరా చేపట్టాలని స్పష్టం చేశారు.

News November 29, 2025

నైపుణ్యాన్ని వృద్ధి చేసుకోవాలి: జేసీ రాహుల్

image

నిరంతరం నైపుణ్యాన్ని వృద్ధి చేసుకునేందుకు యువత కృషి చేయాలని జేసీ రాహుల్ సూచించారు. శనివారం భీమవరం ఎస్ఆర్ కేఆర్ కళాశాలలో ఏపీ స్కూల్ డెవలప్‌మెంట్ కార్పొరేషన్, నేషనల్ కెరీర్ సర్వీస్ ఆధ్వర్యంలో జరిగిన జాబ్ మేళాలో జేసీ మాట్లాడారు. చదువు తోపాటు నైపుణ్యం ఉంటేనే ఉద్యోగం సంపాదించగలరన్నారు. స్కిల్స్ అభివృద్ధి చేసుకోవడం నూతన అంశాన్ని కనుగొనటం వంటివి చేస్తే మంచి ఉద్యోగ అవకాశాలు లభిస్తాయని అన్నారు.

News November 29, 2025

ఈ నంబర్లు సేవ్ చేసుకోండి: ప.గో జేసీ

image

పశ్చిమగోదావరి జిల్లాలో ధాన్యం కొనుగోళ్ల సమస్యల పరిష్కారానికి ప్రత్యేక కంట్రోల్‌ రూమ్‌ ఏర్పాటు చేసినట్లు జాయింట్‌ కలెక్టర్‌ టి.రాహుల్‌కుమార్‌ రెడ్డి తెలిపారు. రైతులు సమస్యలపై 8121676653, 18004251291 నంబర్లలో సంప్రదించవచ్చన్నారు. రానున్న రెండు, మూడు రోజుల్లో వర్షాలు కురిసే అవకాశం ఉన్నందున రైతులు అప్రమత్తంగా ఉండాలని, ధాన్యం తడవకుండా తగు జాగ్రత్తలు తీసుకోవాలని సూచించారు.