News December 1, 2024

కేజీబీవీల్లో డైట్ ఛార్జీల పెంపు

image

AP: రాష్ట్రవ్యాప్తంగా ఉన్న కస్తూర్బా గాంధీ బాలికల విద్యాలయాల్లో డైట్ ఛార్జీలను పెంచుతూ సమగ్రశిక్ష స్టేట్ ప్రాజెక్టు డైరెక్టర్ ఉత్తర్వులు జారీ చేశారు. ప్రస్తుతం ఒక్కో విద్యార్థికి రూ.1400 ఇస్తుండగా, రూ.1600కు పెంచినట్లు తెలిపారు. ఈ ఛార్జీలతో విద్యార్థులకు ఉదయం అల్పాహారం, మధ్యాహ్నం, రాత్రి భోజనం అందిస్తున్నారు. తాజా నిర్ణయంతో 1.1లక్షల మంది విద్యార్థులకు లబ్ధి చేకూరనుంది.

Similar News

News November 30, 2025

నర్వ: భూగర్భ జల వినియోగాలు తగ్గించాలి: నీతి అయోగ్

image

నర్వ మండలంలో భూగర్భ జల వినియోగాన్ని తగ్గించాలని నీతి అయోగ్ సూచించినట్లు నర్వ ఎంపీడీవో శ్రీనివాసరావు తెలిపారు. నీటి వినియోగం తక్కువైనా భూగర్భ జలాలపై ఆధారపడి సాగునీటికై 70 శాతం భూగర్భ జలాలు, 30% చిన్న మధ్య తరహా సాగునీటి ప్రాజెక్టుల ద్వారా నీటి వినియోగం జరుగుతుందన్నారు. 57 గ్రామీణ ప్రాంతాల్లో జలజీవన్ కింద మంచినీటి సరఫరా జరుగుతుందని నీతి అయోగ్ సూచించిందన్నారు. ఉపరీతల జలాలను అధికంగా ఉపయోగించాలన్నారు.

News November 30, 2025

ఇవాళ, రేపు జాగ్రత్త: అనిత

image

AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.

News November 30, 2025

సచిన్-ద్రవిడ్ రికార్డు బ్రేక్!

image

టీమ్ ఇండియా, సౌతాఫ్రికా మధ్య తొలి వన్డేలో రోహిత్ శర్మ-విరాట్ కోహ్లీ జోడీ అరుదైన ఘనత సాధించింది. లెజెండ్స్ సచిన్-ద్రవిడ్ నెలకొల్పిన రికార్డును బ్రేక్ చేసింది. వీళ్లిద్దరూ 391 అంతర్జాతీయ మ్యాచులు కలిసి ఆడగా, తాజా మ్యాచ్‌తో రోహిత్-కోహ్లీ దాన్ని అధిగమించారు. రాంచీ వేదికగా జరుగుతున్న మ్యాచ్‌లో 25 పరుగులకే జైస్వాల్(18) వికెట్‌ను టీమ్ ఇండియా కోల్పోయింది. క్రీజులో రోహిత్(3), కోహ్లీ(6) ఉన్నారు.