News October 30, 2024
ఐపీఎల్‌లో ప్లేయర్ కనీస ధర పెంపు?
ఐపీఎల్ వేలంలో ప్లేయర్ కనీస ధర ఇప్పటి వరకు రూ.20 లక్షలుగా ఉన్న సంగతి తెలిసిందే. అది ఇకపై రూ.30 లక్షలు కావొచ్చని తెలుస్తోంది. అన్‌క్యాప్డ్ ప్లేయర్లకు లభించే రూ.20 లక్షలు చాలా తక్కువ అని నిర్వాహకులు భావిస్తున్నారని ఐపీఎల్ వర్గాలు తెలిపాయి. ఈ నేపథ్యంలో వారికి మరో రూ. 10 లక్షలు పెంచినట్లు వివరించాయి. వేలానికి సంబంధించి.. ఆటగాళ్ల రిటెన్షన్ గడువు రేపటితో ముగియనుంది.
Similar News
News November 20, 2025
సూర్యాపేట: సాధారణ ప్రసవాలు పెరిగేలా చర్యలు: కలెక్టర్
సూర్యాపేట జిల్లాలోని ప్రభుత్వాసుపత్రిలో సాధారణ ప్రసవాలు పెరిగేలా వైద్యాధికారులు చర్యలు తీసుకోవాలని జిల్లా కలెక్టర్ తేజస్ నందలాల్ పవార్ ఆదేశించారు. గురువారం నాగారంలోని ప్రాథమిక ఆరోగ్య కేంద్రాన్ని (పీహెచ్‌సీ) ఆయన ఆకస్మికంగా తనిఖీ చేశారు. సాధారణ, సిజేరియన్ ప్రసవాల వివరాలు, శ్యామ్, మ్యామ్, ఎనిమియా కేసుల గురించి డాక్టర్ నాగరాజును అడిగి తెలుసుకున్నారు. పల్లె దవాఖానాల్లో వైద్య సేవలను గురించి ఆరా తీశారు.
News November 20, 2025
ఓట్ చోర్, SIRపై సందేహాలను నివృత్తి చేయాలి: మాజీ సీఈసీ
కాంగ్రెస్ అగ్రనేత రాహుల్ గాంధీ చేస్తున్న ఓట్ చోర్, SIR ఆరోపణలను నివృత్తి చేయాల్సిన బాధ్యత ఎలక్షన్ కమిషన్‌పై ఉందని మాజీ సీఈసీ ఖురేషి తెలిపారు. ఆరోపణలపై పూర్తి స్థాయిలో నివృత్తి చేసి ప్రజాస్వామ్యంపై ఉన్న విశ్వాసాన్ని కాపాడాలని కోరారు. రాహుల్ గాంధీ చేస్తున్న ఆరోపణలపై దర్యాప్తు చేయాలని, ప్రత్యారోపణలు చేయడం సరైనది కాదని ఓ పాడ్‌కాస్ట్‌లో అన్నారు. 2010-12 మధ్య ఖురేషీ సీఈసీగా పని చేశారు.
News November 20, 2025
రాజమౌళి సినిమాలు ఆపేస్తాం.. VHP వార్నింగ్
హనుమంతుడిపై వ్యాఖ్యలు చేసిన రాజమౌళి క్షమాపణ చెప్పకపోతే ఆయన సినిమాలు ఆపేస్తామని విశ్వహిందూ పరిషత్ హెచ్చరించింది. రాముడు, హనుమంతుడు దేవుళ్లుగా కనిపించలేదా అని VHP నేత తనికెళ్ల సత్యకుమార్ ప్రశ్నించారు. రాజమౌళి వ్యాఖ్యలను ధర్మ ద్రోహంగా భావిస్తామని, డబ్బు గర్వంతో మాట్లాడితే VHP క్షమించదని స్పష్టం చేశారు. కాగా రాజమౌళి కామెంట్స్‌‌‌ను ఇప్పటికే పలువురు బీజేపీ నేతలు సైతం ఖండించారు.