News October 19, 2024
IND vs NZ: ఈ రోజు 400 కొడితేనే..!
న్యూజిలాండ్‌తో జరుగుతున్న తొలి టెస్టు తొలి ఇన్నింగ్స్‌లో భారత్ పేలవ ప్రదర్శన చేసినా రెండో ఇన్నింగ్స్‌లో గొప్పగానే పుంజుకుంది. ఇదే నిలకడ ఈ రోజు మొత్తం కూడా ప్రదర్శించాల్సి ఉంటుంది. పంత్, కేఎల్, సర్ఫ్‌రాజ్ కీలకంగా మారనున్నారు. కనీసం 300 నుంచి 400 పరుగులు చేస్తేనే ప్రత్యర్థిపై పోరాడే ఛాన్స్ ఉంటుంది. ఇలా చేస్తే కనీసం మ్యాచ్‌ డ్రా చేసుకోవచ్చు. ఒకవేళ తక్కువ పరుగులకే భారత్ చాప చుట్టేస్తే ఓటమి ఖాయం.
Similar News
News November 29, 2025
ఉత్తరలో చల్లిన పైరు, కత్తెరలో నరికిన కొయ్య
ఉత్తర నక్షత్రం సమయంలో (సెప్టెంబర్ నెలలో) విత్తిన పంట సాధారణంగా బాగా పండుతుంది, దిగుబడి పుష్కలంగా వస్తుంది. అలాగే కత్తెర కార్తె (కార్తిక మాసం-అక్టోబర్/నవంబర్ నెలల్లో) సమయంలో నరికిన కలప (కొయ్య) చాలా గట్టిగా ఉంటుంది. పురుగులు పట్టవు, ఎక్కువ కాలం మన్నుతుంది. సరైన సమయంలో చేసిన పని మంచి ఫలితాలను ఇస్తుందని, స్థిరంగా, పటిష్టంగా ఉంటుందని ఈ సామెత తెలియజేస్తుంది.
News November 29, 2025
నేడే లాస్ట్ డేట్
TG: తొలి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కు చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్లు అధికారులు వెల్లడించారు. తొలి విడతలో 4,236 సర్పంచ్, 37,440 వార్డులకు ఎన్నికలు జరగనున్నాయి.
News November 29, 2025
లక్ష్మీదేవికి ఇష్టం లేని, దారిద్ర్యం తెచ్చే పనులు
ఉదయాన్నే ఇల్లు, వాకిలి శుభ్రం చేయకపోవడం, సాయంత్రం సంధ్యా దీపం పెట్టకపోవడం, భోజనం చేసిన తర్వాత నోటిని శుభ్రం చేసుకోకపోవడం వంటి పనులు లక్ష్మీదేవికి ఇష్టం ఉండవని పండితులు చెబుతున్నారు. లేవగానే అరవడం, సరిగా వండని ఆహారాన్ని తినడం, తడిబట్టలతో భోజనం చేయడం, మంచం, కుర్చీలపై కూర్చొని భుజించడం కూడా అశుభం అంటున్నారు. ఇలాంటి పనులు ఇంటికి దారిద్ర్యాన్ని తెస్తాయని, అందుకే మానుకోవాలని సూచిస్తున్నారు.