News October 21, 2024

ఉద్రిక్తతల పరిష్కారానికి భారత్-చైనా ఒప్పందం

తూర్పు లద్దాక్‌లో LAC వెంబ‌డి పెట్రోలింగ్ విష‌యంలో భారత్-చైనా కీలక ఒప్పందం కుదుర్చుకున్నాయి. కొన్ని వారాలుగా ఇరు దేశాల దౌత్య‌వేత్త‌లు, సైన్యాధికారులు జ‌రిపిన చ‌ర్చ‌ల్లో పురోగ‌తి సాధించిన‌ట్టు విదేశాంగ కార్య‌ద‌ర్శి విక్రం మిస్రీ తెలిపారు. 2020లో గాల్వన్‌లో త‌లెత్తిన ఉద్రిక్త‌త‌ల ప‌రిష్కారానికి ఇది దోహ‌ద‌పడుతుందని పేర్కొన్నారు. ఈ ఒప్పందంతో భారత బలగాలు మరిన్ని పెట్రోలింగ్ పాయింట్లను యాక్సెస్ చేయగలవు.