News July 31, 2024
రూ.48 లక్షలకు ‘భారత రాజ్యాంగం’ 1950 నాటి కాపీ వేలం!
భారత రాజ్యాంగం మొట్ట మొదటి ఎడిషన్‌ను ఇటీవల వేలంలో రూ.48 లక్షలకు విక్రయించారు. ఇప్పటివరకూ జరిగిన వేలంలో ఇదే అత్యధికం. డెహ్రాడూన్‌లోని సర్వే ఆఫ్ ఇండియా కార్యాలయం 1950లో ప్రచురించిన 1000 కాపీల్లో ఇది ఒకటి. దీనిపై బీఆర్ అంబేడ్కర్, నెహ్రూ, ప్రేమ్ బిహారీ నారాయణ్ సంతకాలను ముద్రించడం విశేషం. saffronart.comలో ఈనెల 24-26 మధ్య వేలం నిర్వహించారు. 1785నాటి భగవద్గీతను రూ.19.20 లక్షలకు విక్రయించారు.
Similar News
News December 26, 2024
Stock Market: ఫ్లాట్‌గా ముగిశాయి
దేశీయ స్టాక్ మార్కెట్ల‌లో శాంటాక్లాజ్ ర్యాలీ క‌నిపించ‌లేదు. బెంచ్ మార్క్ సూచీలు గురువారం ఫ్లాట్‌గా ముగిశాయి. Sensex 78,472 (-0.39) వ‌ద్ద, Nifty 23,750(+22) వ‌ద్ద స్థిర‌ప‌డ్డాయి. ఆటో, ఫార్మా, హెల్త్ కేర్ ఇండెక్స్‌, క‌న్జూమ‌ర్ డ్యూర‌బుల్స్‌, పీఎస్‌యూ బ్యాంక్స్ కొంత‌మేర రాణించాయి. అధిక వెయిటేజీ రంగాలు రెడ్‌లోనే ముగిశాయి. అదానీ పోర్ట్స్ అత్యధికంగా 5% లాభపడింది. Titan, Asian Paints టాప్ లూజర్స్.
News December 26, 2024
FLASH: వర్షం
తెలంగాణలోని పలు ప్రాంతాల్లో వర్షం కురుస్తోంది. హైదరాబాద్‌లోని కొన్ని ఏరియాలతో పాటు రాష్ట్రంలోని మరికొన్ని ప్రాంతాల్లో వాన పడుతోంది. కాగా నిన్నటి నుంచి వాతావరణం పూర్తిగా మారిపోయింది. మబ్బులు ఏర్పడి వెదర్ చల్లగా మారింది. ఇవాళ, రేపు తేలికపాటి నుంచి మోస్తరు వర్షాలుంటాయని ఇప్పటికే హైదరాబాద్ వాతావరణ కేంద్రం తెలిపింది. మరి మీ ప్రాంతంలోనూ వర్షం కురుస్తోందా?
News December 26, 2024
కొత్త ఏడాదిలో చైనా, అమెరికాకు ప్రధాని మోదీ?
కొత్త సంవత్సరంలో PM మోదీ పర్యటనల క్యాలెండర్‌ను విదేశీ వ్యవహారాల శాఖ సిద్ధం చేస్తోంది. ఎకనమిక్ టైమ్స్ కథనం ప్రకారం.. ట్రంప్‌ అధ్యక్షుడిగా అధికారం స్వీకరించిన అనంతరం ఆయనతో భేటీ అయ్యేందుకు మోదీ US వెళ్లే అవకాశం ఉంది. ఇక బ్రెజిల్‌లో బ్రిక్స్, చైనాలో SCO సదస్సుకు ప్రధాని హాజరుకానున్నారు. ఈక్రమంలో చైనా అధ్యక్షుడు జిన్‌పింగ్‌తో ఆయన ప్రత్యేకంగా ద్వైపాక్షిక భేటీ అయ్యే అవకాశం ఉందని తెలుస్తోంది.