News April 9, 2025
బంగ్లాదేశ్‌కు భారత్ దెబ్బ
బంగాళాఖాతానికి తామే పరిరక్షకులం అని బంగ్లాదేశ్ తాత్కాలిక సారథి మహమ్మద్ యూనస్ చైనాలో చేసిన వ్యాఖ్యలపై భారత్ తీవ్రంగా స్పందించింది. ఆ దేశానికి ఉన్న ట్రాన్స్‌షిప్‌మెంట్ సౌకర్యాన్ని రద్దు చేసింది. దీంతో బంగ్లాదేశ్ తమ ఉత్పత్తులను ఎగుమతి చేసేందుకు ఇక నుంచి భారత రోడ్లు, పోర్టులు, విమానాశ్రయాలను వినియోగించుకునేందుకు అవకాశం లేకుండా పోయింది. ఫలితంగా పోటీ తగ్గి భారత ఎగుమతిదారులకు ప్రయోజనం చేకూరనుంది.
Similar News
News November 30, 2025
నారాయణపేట: నేటి నుంచి రెండో విడత నామినేషన్ల స్వీకరణ
నారాయణపేట జిల్లాలోని నాలుగు మండలాలు (దామరగిద్ద, ధన్వాడ, మరికల్, నారాయణపేట) పరిధిలో ఆదివారం నుంచి సర్పంచ్ నామినేషన్ల స్వీకరణ ప్రారంభం కానుంది. ఈ నాలుగు మండలాల్లో కలిపి 95 గ్రామ పంచాయతీలు, 900 వార్డులకు ఎన్నికలు జరగనున్నాయి. డిసెంబర్ 3న పరిశీలన, 6న ఉపసంహరణకు అవకాశం ఉంది. డిసెంబర్ 14న పోలింగ్, అదే రోజు కౌంటింగ్ ఉంటుంది.
News November 30, 2025
రాష్ట్రంలో 3 జోన్లు.. ప్రభుత్వం కీలక నిర్ణయం
AP: అన్నిప్రాంతాల అభివృద్ధే లక్ష్యంగా జోనల్ వ్యవస్థ ఏర్పాటుకు ఏపీ ప్రభుత్వం నిర్ణయించింది. 9 జిల్లాలతో విశాఖ, 8 జిల్లాలతో అమరావతి, 9 జిల్లాలతో రాయలసీమ జోన్‌లను నెలకొల్పనుంది. సీఎం చంద్రబాబు నేతృత్వంలో స్టీరింగ్ కమిటీ ఏర్పాటుకానుంది. విశాఖ జోన్‌కు యువరాజ్, అమరావతికి మీనా, రాయలసీమకు కృష్ణబాబును సీఈవోలను ప్రభుత్వం నియమించనుంది. త్వరలోనే ఉత్తర్వులు వెలువడనున్నాయి.
News November 30, 2025
WPLలో సత్తాచాటిన దీప్తిశర్మ గురించి తెలుసా?
తాజాగా జరిగిన WPL వేలంలో దీప్తిశర్మను అత్యధికంగా రూ. 3.2Crతో యూపీ వారియర్స్‌ జట్టు సొంతం చేసుకుంది. అదరగొట్టే ప్రతిభతో ఆల్‌రౌండర్‌గా పేరు తెచ్చుకున్న ఈ ప్రపంచకప్‌ క్వీన్‌కు 2020లో అర్జున అవార్డు దక్కింది. 12 ఏళ్ల వయసులో రాష్ట్ర జట్టుకు, 17 ఏళ్ల వయసులో టీమిండియాకు ఎంపికైన ఆమె.. అప్పట్నుంచి తన స్పిన్‌ బౌలింగ్‌తో ప్రత్యర్థికి ముచ్చెమటలు పట్టిస్తూ.. జట్టు విజయాల్లో కీలక పాత్ర పోషిస్తోంది.