News September 27, 2024
మిజోరాం గవర్నర్గా ఇంద్రసేనారెడ్డికి అదనపు బాధ్యతలు

TG: త్రిపుర గవర్నర్ నల్లు ఇంద్రసేనా రెడ్డిని మిజోరాం గవర్నర్గా నియమించారు. ఇటీవల అనారోగ్యానికి గురైన మిజోరాం గవర్నర్ కంభంపాటి హరిబాబు ప్రస్తుతం సెలవులో ఉన్నారు. దీంతో ఇంద్రసేనారెడ్డికి అదనపు బాధ్యతలు అప్పగిస్తూ రాష్ట్రపతి భవన్ ఉత్తర్వులు జారీ చేసింది. తెలంగాణకు చెందిన ఇంద్రసేనారెడ్డి గతంలో 3 సార్లు MLAగా, BJP రాష్ట్ర అధ్యక్షుడిగాను సేవలందించారు. ఇటు హరిబాబు గతంలో విశాఖ BJP ఎంపీగా పని చేశారు.
Similar News
News November 29, 2025
తిరుపతి: టెన్త్ ఫరీక్ష ఫీజు పొడిగింపు

పదో తరగతి పబ్లిక్ పరీక్షలు మార్చి-2026కు సంబంధించి పరీక్ష ఫీజు గడువు పొడిగించినట్లు తిరుపతి DEO KVN కుమార్ పేర్కొన్నారు. ఈ నెల 30వ తేదీతో గడువు ముగియనుంది. దీనిని డిసెంబర్ 6 తేదీ వరకు పొడిగించినట్లు ఆయన తెలియజేశారు. రూ.50 అపరాధ రుసుముతో డిసెంబర్ 9, రూ.200 అపరాధ రుసుముతో డిసెంబర్ 12, రూ.500 అపరాధ రుసుముతో డిసెంబర్ 15వ తేదీ వరకు చెల్లించవచ్చని DEO సూచించారు.
News November 29, 2025
కేసీఆర్ పేరు లేకుండా కవిత ఇంట్రస్టింగ్ ట్వీట్

TG: కేసీఆర్ ఆమరణ నిరాహార దీక్షకు 16 ఏళ్లు పూర్తయిన నేపథ్యంలో MLC కవిత ఆసక్తికర ట్వీట్ చేశారు. తన తండ్రి కేసీఆర్ పేరును ప్రస్తావించకుండా ‘ఒక యోధుని దీక్ష, అమరుల త్యాగం యావత్ తెలంగాణ జాతిని మేల్కొల్పింది. ఐక్యతా గీతమైంది. స్ఫూర్తిని నింపింది. ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం. జై తెలంగాణ’ అని పేర్కొన్నారు.
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?

సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.


