News November 28, 2024
INDvsAUS: పింక్ బాల్ టెస్టు.. భారత్ రికార్డు ఇదే
AUSపై తొలి టెస్టులో ఘన విజయం సాధించిన భారత్ రెండో మ్యాచ్‌పై దృష్టిసారించింది. డిసెంబర్ 6-10 మధ్య ఆడిలైడ్ వేదికగా డే-నైట్ టెస్టు పింక్ బాల్‌తో జరగనుంది. భారత కాలమానం ప్రకారం ఉదయం 9.30కు మ్యాచ్ మొదలవనుంది. స్టార్‌స్పోర్ట్స్, డిస్నీ+హాట్ స్టార్‌లో వీక్షించవచ్చు. స్వదేశంలో 3 డే-నైట్ టెస్టుల్లో బంగ్లా, ఇంగ్లండ్, శ్రీలంకపై భారత్ గెలవగా ఆడిలైడ్‌లో ఆసీస్ చేతిలో ఓడిపోయింది. ఇప్పుడు అక్కడే మ్యాచ్ జరగనుంది.
Similar News
News November 28, 2024
MH ఓటింగ్ శాతంపై మాజీ CEC అనుమానం
మహారాష్ట్ర ఎన్నికలపై మాజీ CEC ఖురేషీ అనుమానం వ్యక్తం చేశారు. నవంబర్ 20న సాయంత్రం 5 గంటలకు 55% ఉన్న ఓటింగ్ మరుసటి రోజుకు 67% అయినట్లు అధికారులు ప్రకటించారని, ఇంత వ్యత్యాసమేంటని ఆయన ఆశ్చర్యం వ్యక్తం చేశారు. పోలింగ్ స్టేషన్‌లో నమోదైన ఓట్ల వివరాలను PO ఫామ్ 17Cలో అదే రోజు వెల్లడిస్తారని, తర్వాత రోజుకు అది ఎలా మారుతుందో అర్థం కావట్లేదన్నారు. ఇలా జరిగితే ఎన్నికల ప్రక్రియను ఎవరూ నమ్మబోరని చెప్పారు.
News November 28, 2024
రిజర్వేషన్లపై సుప్రీం తీర్పుతో ‘క్రిప్టో క్రిస్టియన్ల’పై చర్చ!
ఇతర మతాల్లో చేరి రిజర్వేషన్ల కోసం హిందువులమని చెప్పుకోవడాన్ని <<14722317>>సుప్రీంకోర్టు<<>> తీవ్రంగా తప్పుబట్టడంతో దేశవ్యాప్తంగా క్రిప్టో క్రిస్టియన్లపై చర్చ జరుగుతోంది. క్రిప్టోకు సీక్రెటని అర్థం. వీరు క్రైస్తవాన్ని స్వీకరించి ఆ విశ్వాసాలనే పాటిస్తారు. ప్రభుత్వ పత్రాల్లో మాత్రం అలా మార్చుకోరు. రిజర్వేషన్లు, కోటా కోల్పోతామేమోనన్న భయంతో హిందువులుగా పేర్కొంటారు. రిజర్వేషన్లు హిందూ కులాలకు ఉండటమే ఇందుకు కారణం.
News November 28, 2024
సోదరుడి పెద్దకర్మకు హాజరైన సీఎం
AP: సీఎం చంద్రబాబు తన సోదరుడు రామ్మూర్తి నాయుడి పెద్దకర్మకు హాజరయ్యారు. నారావారిపల్లెలో రామ్మూర్తి నాయుడు కుమారుడు నారా రోహిత్ కర్మకాండ నిర్వహించారు. ఈ కార్యక్రమానికి చంద్రబాబు కుటుంబసభ్యులు, పలువురు మంత్రులు, ఎమ్మెల్యేలు హాజరయ్యారు.