News June 13, 2024
నెల రోజుల క్రితమే గాయమైంది: లావణ్య త్రిపాఠి
తన కాలికి నెల రోజుల క్రితమే గాయమైందని, ఇప్పటికీ తగ్గలేదని వరుణ్ సతీమణి లావణ్య త్రిపాఠి చెప్పారు. అయితే ఎలాంటి ఆందోళన అవసరం లేదని అభిమానులకు తెలిపారు. నిన్న కాలుకు గాయమైందని ఆమె <<13425501>>పోస్ట్<<>> చేయగా ఏమైందని మెగా ఫ్యాన్స్ కామెంట్ల రూపంలో ప్రశ్నించారు. మెట్లు ఎక్కుతుండగా చీలమండ మడత పడిందని, తాజాగా వైద్యపరీక్షల్లో ఈ విషయం తేలినట్లు మెగా కోడలు పేర్కొన్నారు. విశ్రాంతి అవసరమని వైద్యులు సూచించినట్లు తెలిపారు.
Similar News
News November 30, 2025
అనంతపురంలో YCP నేత అరెస్ట్
అనంతపురం జడ్పీ ఛైర్‌పర్సన్ బోయ గిరిజమ్మ బావ, వైసీపీ నేత కృష్ణమూర్తిని 1 టౌన్ పోలీసులు అరెస్ట్ చేశారు. గత వారం టీడీపీ బూత్ ఇన్‌ఛార్జ్ గోపాల్‌పై దాడి చేసిన కేసులో బాధితుల ఫిర్యాదు మేరకు ఈ చర్య తీసుకున్నారు. కృష్ణమూర్తిని కోర్టుకు హాజరుపరచగా.. అతనికి న్యాయస్థానం 14 రోజుల రిమాండ్‌ విధించింది.
News November 30, 2025
భారీగా పడిపోయిన ధరలు
AP: కొబ్బరి ధరలు భారీగా పతనమవుతున్నాయి. కోనసీమ జిల్లా అంబాజీపేట మార్కెట్‌లో 1,000 పచ్చికాయల ధర రూ.14 వేలకు పడిపోయింది. అదే 2 నెలల కిందట రూ.28 వేల వరకు పలికింది. దీపావళి, కార్తీక మాసం ముగియడం, రెండు నెలల పాటు ఉండే శుక్రమౌఢ్యమి ప్రారంభమవడం వల్ల ఎగుమతులు తగ్గిపోయి ధరలు పడిపోయాయి. అలాగే తమిళనాడు, కేరళలో దిగుబడులు పెరగడంతో డిమాండ్ తగ్గిందని, ఫలితంగా ధరలు క్షీణించాయని స్థానిక వ్యాపారులు చెబుతున్నారు.
News November 30, 2025
వయ్యారిభామ వల్ల మన ఆరోగ్యానికి కలిగే నష్టం ఏమిటి?
వయ్యారిభామ మొక్కల పుప్పొడి గాలి ద్వారా ప్రయాణించి శ్వాస తీసుకునేటప్పుడు మనుషుల శరీరంలోకి ప్రవేశిస్తుంది. దీని వల్ల మనలో డెర్మటైటిస్, ఎగ్జిమా, ఉబ్బసం, తీవ్ర జ్వరం, బ్రాంకైటిస్ లాంటి వ్యాధులు వస్తాయి. పొలాల్లో తిరుగుతూ దీని పుప్పొడిని పీలిస్తే కళ్లు ఎర్రబడటం, కళ్లు వాయడం.. ఎండిపోయిన వయ్యారిభామ మొక్కలను తగలబెట్టినప్పుడు ఆ పొగను పీలిస్తే శ్వాసకోశ వ్యాధులు వచ్చే అవకాశం ఉంది.