News August 8, 2024

రేషన్ కార్డుల విషయంలో APకి అన్యాయం: నాదెండ్ల

రాష్ట్ర విభజన నాటి నుంచి రేషన్ కార్డుల విషయంలో APకి అన్యాయం జరుగుతోందని మంత్రి నాదెండ్ల మనోహర్ అన్నారు. జనాభా ప్రాతిపదికన కాకుండా 2001 సెన్సెస్ ప్రకారం కేటాయింపులు చేయడంతో రేషన్ కార్డులు తగ్గిపోయాయని తెలిపారు. ప్రస్తుతం 1.47కోట్ల కుటుంబాలకు రేషన్ అందిస్తున్నామన్నారు. ప్రజల అవసరాలను దృష్టిలో పెట్టుకొని లక్ష టన్నుల కందిపప్పు సరఫరా చేయాలని కేంద్రాన్ని కోరినట్లు ఢిల్లీ పర్యటన సందర్భంగా వెల్లడించారు.