News November 7, 2024
నేను YSRకు పుట్టలేదని అవమానించారు: షర్మిల
AP: తనపై అసభ్యకర పోస్టులు పెట్టిన రవీందర్ రెడ్డి అరెస్టును స్వాగతిస్తున్నట్లు ఏపీ కాంగ్రెస్ చీఫ్ షర్మిల ట్వీట్ చేశారు. ‘నేను వైఎస్ఆర్కు పుట్టలేదని అవమానించారు. ఇంటి పేరు మార్చి శునకానందం పొందారు. అసభ్యకర పోస్టులతో ప్రతిష్ఠ దెబ్బతీసేలా పోస్టులు పెట్టేవారిపై కఠినంగా చర్యలు ఉండాలి’ అని పేర్కొన్నారు. వ్యక్తిత్వ హననానికి పాల్పడాలంటే భయపడేలా అనునిత్యం చర్యలు తీసుకోవాలని ప్రభుత్వాన్ని డిమాండ్ చేశారు.
Similar News
News February 4, 2026
శ్రీవారి సర్వదర్శనానికి 6 గంటల సమయం
తిరుమలలో భక్తుల రద్దీ సాధారణంగా ఉంది. ప్రస్తుతం వైకుంఠం క్యూ కాంప్లెక్స్లోని 4 కంపార్ట్మెంట్లలో భక్తులు వేచి ఉన్నారు. సర్వదర్శనానికి 6 గంటల సమయం పడుతోంది. నిన్న ఒక్కరోజే 69,389 మంది భక్తులు స్వామివారిని దర్శించుకున్నారు. 20,247 మంది తలనీలాలు సమర్పించుకున్నారు. కానుకల ద్వారా శ్రీవారి హుండీకి రూ.3.72 కోట్ల ఆదాయం వచ్చినట్లు TTD అధికారులు వెల్లడించారు.
News February 4, 2026
మిరపలో కుకుంబర్ మొజాయిక్ తెగులును ఎలా నివారించాలి?
మిరప పంటను ఆశించే ఈ వైరస్ తెగులు పేనుబంక ద్వారా వ్యాప్తి చెందుతుంది. ఈ తెగులు సోకిన మొక్కల్లో ఎదుగుదల లోపిస్తుంది. మొక్కలు పొట్టిగా కనిపిస్తాయి. ఆకులు రంగుమారిపోతాయి. మొక్కలకు పూత ఉండదు. ఈ వైరస్ సోకిన మొక్కలను పీకి నాశనం చేయాలి. వ్యాధిని వ్యాప్తి చేసే పేనుబంక నివారణకు ఎసిఫేట్ 1.5 గ్రా. లేదా ఇమిడాక్లోప్రిడ్ 0.25mlను లీటరు నీటికి కలిపి పిచికారీ చేయాలి.
News February 4, 2026
మేఘాల చాటున చంద్రుడు కలలో కనిపిస్తే..?
కలలో చంద్రుడు మేఘాల వెనుక దాగి ఉన్నట్లు, మాటిమాటికీ మాయమవుతున్నట్లు కనిపిస్తే అది మీ ఆశయ సాధనలో ఎదురయ్యే అడ్డంకులకు సంకేతమని స్వప్న శాస్త్రం చెబుతోంది. మీ కోరికలు నెరవేరకుండా కొన్ని శక్తులు మిమ్మల్ని నిరోధిస్తున్నాయని దీని అర్థం. ఇలాంటి కల వచ్చినప్పుడు నిరుత్సాహపడకూడదు. మీ పని తీరును, వ్యూహాలను మార్చుకోవాలి. మరింత పట్టుదలతో, కష్టపడి పనిచేయాలి. అప్పుడే విజయం మీ సొంతమవుతుంది.