News March 1, 2025
తీవ్ర ఉత్కంఠ.. ఆ 5 లొకేషన్లలో ఏముంది?
SLBC టన్నెల్‌లో గల్లంతైనవారి ఆచూకీ కోసం ముమ్మరంగా గాలింపు కొనసాగుతోంది. GPR పరికరం 5 లొకేషన్లలో మెత్తటి వస్తువులు ఉన్నట్లు గుర్తించింది. అయితే అవి కార్మికుల మృతదేహాలా? లేక వేరే ఏమైనా పరికరాలా? అనేదానిపై ఉత్కంఠ నెలకొంది. దీంతో ఆ 5 లొకేషన్లలో సిబ్బంది డ్రిల్లింగ్ పనులు చేపట్టారు. 3-5 మీ. తవ్వితే అక్కడ ఏం ఉందనే దానిపై క్లారిటీ రానుంది. మరోవైపు టన్నెల్ బయట అంబులెన్సులు సిద్ధంగా ఉంచారు.
Similar News
News March 1, 2025
ఆశా వర్కర్లకు CM గుడ్ న్యూస్
ఏపీలోని 42వేల మంది ఆశా వర్కర్లకు సీఎం చంద్రబాబు గుడ్ న్యూస్ చెప్పారు. మొదటి 2 ప్రసవాలకు 180 రోజుల వేతనంతో కూడిన సెలవులు మంజూరు చేశారు. రిటైర్మెంట్ వయోపరిమితి 62 ఏళ్లకు పెంచారు. అందరికీ ప్రయోజనం చేకూర్చేలా గ్రాట్యుటీ చెల్లిస్తామన్నారు. ప్రస్తుతం వారికి నెలకు రూ.10వేల జీతం వస్తోంది. సర్వీస్ ముగింపులో గ్రాట్యుటీ కింద రూ.1.50 లక్షలు పొందే అవకాశం ఉంది. వీటిపై త్వరలో ఉత్తర్వులు విడుదల కానున్నాయి.
News March 1, 2025
జెలెన్‌స్కీ.. బాలక్ బుద్ధి or ధీశాలి?
డొనాల్డ్ ట్రంప్‌తో పెట్టుకొనేందుకు మహా మహా దేశాధినేతలే భయపడుతున్నారు. ఎక్కడ టారిఫ్స్ వేస్తే ఎకానమీ ఏమైపోతుందో అని ఆందోళన చెందుతున్నారు. అలాంటిది శాంతి ఒప్పందంపై సంతకం చేయకుండా ఉక్రెయిన్ ప్రెసిడెంట్ జెలెన్‌స్కీ వెళ్లిపోవడం అతివిశ్వాసమో ఆత్మవిశ్వాసమో తెలియడం లేదని విశ్లేషకులు అంటున్నారు. ఇన్నాళ్లూ అమెరికా డబ్బుతోనే యుద్ధం చేసిన ఆయన ఇప్పుడు ఒంటరిగా పుతిన్‌ను ఎదుర్కోగలరా అని సందేహిస్తున్నారు.
News March 1, 2025
మహా కి’లేడీ’.. రేప్ చేశారని తప్పుడు కేసు పెట్టి!
యూపీకి చెందిన జ్యోతి సాగర్ చేసిన పనికి సభ్య సమాజం ముక్కున వేలేసుకుంది. రెండు నెలల క్రితం తన భర్తతో పాటు అతని స్నేహితులు కారులో తనపై అత్యాచారం చేశారని, సిగరెట్‌తో కాల్చారని ఆమె పోలీసులకు ఫిర్యాదు చేసింది. విచారణ చేపట్టిన పోలీసులకు విస్తుపోయే నిజాలు తెలిశాయి. కాల్ రికార్డ్స్, CCTV ఫుటేజీ పరిశీలించాక ఆమె చేసిన ఆరోపణలు అబద్ధమని తేలింది. భర్తతో వివాదం ఉండటంతో ఇలా తప్పుడు కేసు పెట్టినట్లు గుర్తించారు.