News June 19, 2024
25న ఇంటర్ అడ్వాన్స్డ్ ఫలితాలు

TG: ఇంటర్ అడ్వాన్స్డ్ సప్లిమెంటరీ ఫలితాలు ఈ నెల 25న విడుదల కానున్నాయి. ఇంటర్ పరీక్షల్లో ఫెయిల్ అయిన వారు, ఫస్టియర్ ఇంప్రూవ్మెంట్ కోసం రాసిన వారు దాదాపు 4.5 లక్షల మంది ఉన్నారు. గత పరీక్షల మూల్యాంకనంలో తప్పులు జరిగిన నేపథ్యంలో మరిన్ని జాగ్రత్తలు తీసుకుంటున్నారు. డీకోడింగ్, ఆన్లైన్లో మార్కుల ఎంట్రీ పూర్తైంది. ఏవైనా అనివార్య పరిస్థితులు ఏర్పడితే ఈ నెల 26 లేదా 27న విడుదల చేస్తారు.
Similar News
News November 30, 2025
అధిక యూరియాతో పంటకు కలిగే నష్టాలు

చాలా మంది రైతులు ఎక్కువ దిగుబడి వస్తుందని పంటకు అధికంగా యూరియా వేస్తున్నారు. సిఫార్సుకు మించి వేసిన యూరియా ఒకేసారి నీటిలో కరిగిపోతుంది. 2-3 రోజుల్లో పంట కొంత వరకు మాత్రమే తీసుకోగలుగుతుంది. మిగిలింది వృథాగా భూమి లోపలి పొరల్లోకి, ఆవిరి రూపంలో గాలిలో కలిసిపోతుంది. దీని వల్ల ఎరువు నష్టంతో పాటు పంటను ఎక్కువగా పురుగులు, తెగుళ్లు ఆశించి బలహీన పరుస్తాయి. కాబట్టి నిపుణుల సిఫార్సు మేరకే యూరియా వేసుకోవాలి.
News November 30, 2025
RECORD: 20 ఓవర్లలో 310 రన్స్

సయ్యద్ ముస్తాక్ అలీ ట్రోఫీలో బెంగాల్పై పంజాబ్ 20 ఓవర్లలో 310/5 స్కోర్ చేసింది. టోర్నీ చరిత్రలో ఇదే సెకండ్ హయ్యెస్ట్ స్కోర్. అభిషేక్ శర్మ 148, ప్రభ్సిమ్రాన్ 70, రమణ్దీప్ 39 రన్స్ చేశారు. ఈ ఇన్నింగ్స్లో పంజాబ్ బ్యాటర్లు 28 సిక్సులు బాదారు. కాగా T20ల్లో అత్యధిక వ్యక్తిగత స్కోర్ చేసిన బ్యాటర్లలో అభిషేక్ రెండో స్థానంలో నిలిచారు. గత ఏడాది SMATలో 151 రన్స్ చేసిన తిలక్ వర్మ తొలి స్థానంలో ఉన్నారు.
News November 30, 2025
వారంలో రూ.3,980 పెరిగిన గోల్డ్ ధర

హైదరాబాద్ బులియన్ మార్కెట్లో బంగారం, వెండి ధరలు ఇవాళ స్థిరంగా కొనసాగుతున్నాయి. 24 క్యారెట్ల 10గ్రా. గోల్డ్ రేట్ రూ.1,29,820, 22 క్యారెట్ల ధర రూ.1,19,000గా ఉంది. కేజీ వెండి ధర రూ.1,92,000 పలుకుతోంది. కాగా ఈ వారంలో(నవంబర్ 23-29) 24 క్యారెట్ల బంగారం ధర రూ.3,980 పెరిగింది. కేజీ సిల్వర్ రేటు వారంలో ఏకంగా రూ.21వేలు పెరగడం గమనార్హం.


