News July 8, 2025

అంతర్జాతీయ అంపైర్ షిన్వారీ హఠాన్మరణం

image

ప్రముఖ అంతర్జాతీయ అంపైర్ బిస్మిల్లా జన్ షిన్వారీ (41) మరణించారు. తీవ్ర అనారోగ్యంతో బాధపడుతూ ఆయన కన్నుమూసినట్లు అఫ్గానిస్థాన్ క్రికెట్ బోర్డు తెలిపింది. ఆయన మృతిపట్ల పలువురు క్రికెటర్లు సంతాపం వ్యక్తం చేస్తున్నారు. కాగా 1984లో షిన్వారీ అఫ్గానిస్థాన్‌లో జన్మించారు. తన కెరీర్‌లో 60 అంతర్జాతీయ మ్యాచులకు అంపైర్/టీవీ అంపైర్‌గా పనిచేశారు. ఇందులో 34 వన్డేలు, 26 టీ20లు ఉన్నాయి.

Similar News

News July 8, 2025

సీఎంఏ ఫౌండేషన్ ఫలితాలు విడుదల

image

కాస్ట్ అండ్ మేనేజ్‌మెంట్ అకౌంటెంట్(CMA) ఫౌండేషన్ పరీక్షల <>ఫలితాలను<<>> ICMAI విడుదల చేసింది. టాప్-10 ర్యాంకుల్లో ఏపీ విద్యార్థులు సత్తా చాటారు. తొలి 2 ర్యాంకులు రియా పొద్దార్(బెంగాల్), అక్షత్(గుజరాత్) సాధించగా, తర్వాతి ర్యాంకుల్లో విశాఖకు చెందిన మోహిత్ దాస్(3), గుంటూరుకు చెందిన సాయి రాఘవేంద్ర రెడ్డి (4), గాయత్రి శ్రావ్య(5), మైత్రిక(6), బండిరెడ్డి మహేశ్వర్(6), హైదరాబాద్‌కు చెందిన సాయి విశ్వనాథ్ (7), హర్షిత (7) నిలిచారు.

News July 8, 2025

బికినీలో స్టార్ హీరోయిన్.. ఫొటోలు వైరల్

image

బాలీవుడ్ స్టార్ హీరోయిన్ కరీనా కపూర్ తాజా ఫొటోలు సోషల్ మీడియాలో హల్‌చల్ చేస్తున్నాయి. బీచ్ వద్ద బికినీలో ఉన్న ఫొటోలను కరీనా ఇన్‌స్టాలో షేర్ చేశారు. షూటింగ్ కోసమా లేదా ఫ్యామిలీతో వెకేషన్‌కు వెళ్లారా అనేది వెల్లడించలేదు. కాగా 44 ఏళ్ల వయసులో ఆమె ఫిట్‌నెస్‌కు నెటిజన్లు ఫిదా అవుతున్నారు.

News July 8, 2025

ఈ నెల 13 వరకే ఫిర్యాదులకు అవకాశం

image

AP: అన్నదాత సుఖీభవ-PM కిసాన్‌కు సంబంధించి అర్హుల జాబితాను రైతు సేవా కేంద్రాల్లో అందుబాటులో ఉంచామని వ్యవసాయశాఖ డైరెక్టర్ ఢిల్లీరావు తెలిపారు. జాబితాలో పేరు లేనివారు రైతు సేవా కేంద్రంలో అర్జీలు అందజేయొచ్చని, అన్నదాత సుఖీభవ పోర్టల్‌లోని గ్రీవెన్స్ మాడ్యూల్‌లోనూ ఫిర్యాదు చేయొచ్చని చెప్పారు. అందుకు ఈ నెల 13వరకే అవకాశం ఉంటుందని వెల్లడించారు. ఈ పథకం కింద ఈ నెలలోనే రూ.7వేలు రైతుల ఖాతాల్లో జమ కానున్నాయి.