News August 9, 2024

ప్రభుత్వ పాఠశాలల్లో ఇంటర్‌నెట్ తప్పనిసరి: లోకేశ్

image

AP: రాష్ట్రంలోని అన్ని ప్రభుత్వ పాఠశాలల్లో ఇంటర్‌నెట్ తప్పనిసరిగా ఉండేలా చర్యలు తీసుకోవాలని మంత్రి లోకేశ్ అధికారులను ఆదేశించారు. ప్రపంచబ్యాంకు సహకారంతో అమలవుతున్న SALT ప్రాజెక్టు తీరుపై పాఠశాల విద్య అధికారులు, సంబంధిత ఏజెన్సీల ప్రతినిధులతో ఉండవల్లి నివాసంలో సమీక్షించారు. రాబోయే ఐదేళ్లలో ప్రైవేటు పాఠశాలలకు దీటుగా ప్రభుత్వ స్కూళ్లను తీర్చిదిద్దడానికి ప్రణాళికలు రూపొందించాలని ఆయన సూచించారు.

Similar News

News December 1, 2025

సమస్యలేంటో చెప్పండి.. పార్లమెంటులో ప్రశ్నిస్తాం: లావు

image

AP: రేపట్నుంచి పార్లమెంట్ వింటర్ సెషన్స్ ప్రారంభం కానున్న నేపథ్యంలో టీడీపీ పార్లమెంటరీ పార్టీ లీడర్, ఎంపీ లావు కృష్ణదేవరాయలు వినూత్నరీతిలో ఆలోచించారు. రాష్ట్ర యువత ఎదుర్కొంటున్న సమస్యలను కామెంట్ల రూపంలో తెలిపితే వాటిని పార్లమెంటులో లేవనెత్తుతామని ట్వీట్ చేశారు. కాగా విజయవాడ-HYD హైవే విస్తరణ పనులు వేగవంతం చేయాలని, రాష్ట్రానికి ప్రత్యేక హోదా కావాలని తదితర డిమాండ్లను పలువురు కామెంట్ చేశారు.

News December 1, 2025

PHOTOS: మెస్సీతో మ్యాచ్.. సీఎం రేవంత్ ప్రాక్టీస్

image

TG: ప్రపంచ ఫుట్‌బాల్ స్టార్ మెస్సీ DEC 13న HYDలో పర్యటించనున్న విషయం తెలిసిందే. అదే రోజు ఉప్పల్ స్టేడియంలో ఫ్రెండ్లీ మ్యాచ్ నిర్వహించనున్నారు. మెస్సీ ప్రత్యర్థి జట్టు RR-9 కెప్టెన్‌గా సీఎం రేవంత్ బరిలోకి దిగనున్నట్లు తెలుస్తోంది. ఇందులో భాగంగా ఆయన ప్రాక్టీస్ మొదలెట్టారు. పగలంతా బిజీ షెడ్యూల్‌తో తీరిక లేకుండా ఉండే సీఎం రాత్రి వేళ ప్రాక్టీస్ చేస్తున్నారు. అందుకు సంబంధించిన ఫొటోలు వైరలవుతున్నాయి.

News December 1, 2025

తుఫాను లేటెస్ట్ అప్‌డేట్

image

దిత్వా తుఫాను తీవ్ర వాయుగుండంగా బలహీనపడిందని, రేపు ఉదయానికి వాయుగుండంగా బలహీనపడనుందని APSDMA పేర్కొంది. రేపు దక్షిణకోస్తా తీరం వెంబడి గంటకు 45-65 కి.మీ. వేగంతో ఈదురుగాలులు వీచే అవకాశం ఉందని విపత్తుల నిర్వహణ సంస్థ ఎండీ ప్రఖర్ జైన్ తెలిపారు. రేపు నెల్లూరు, తిరుపతి జిల్లాల్లో కొన్నిచోట్ల భారీ నుంచి అతిభారీ వర్షాలకు అవకాశం ఉందని, సముద్రం అలజడిగా ఉంటుందని, మత్స్యకారులు వేటకు వెళ్లరాదని సూచించారు.