News August 28, 2024
మాస్కో నుంచి కేటీఆర్కు ఆహ్వానం
BRS వర్కింగ్ ప్రెసిడెంట్ కేటీఆర్కు రష్యాలోని మాస్కోలో ‘ఫెస్టివల్ ఆఫ్ ఫ్యూచర్ పోర్టల్’లో ప్రసంగించేందుకు ఆహ్వానం వచ్చిందని KTR న్యూస్ ట్విటర్ హ్యాండిల్ తెలిపింది. అక్కడ నిర్వహించే స్కోల్కోవో స్టార్టప్ ఈవెంట్లో కేటీఆర్ 30నిమిషాల పాటు ప్రసంగిస్తారని వెల్లడించింది. మాస్కో ప్రభుత్వం చేపట్టిన ఫ్యూచర్ పోర్టల్ 2030-2050 ఫెస్టివల్లో భాగంగా ఈ కార్యక్రమాన్ని సెప్టెంబర్ 5 నుంచి 7 వరకు నిర్వహించనుంది.
Similar News
News March 13, 2026
8th క్లాస్తోనే ఐటీఐ.. ప్రభుత్వం కీలక నిర్ణయం
AP: 8వ తరగతిలోనే చదువు ఆపేసిన వారు జీవితంలో ఎదిగేందుకు ప్రభుత్వం కీలక నిర్ణయం తీసుకుంది. ఇకపై 8th క్లాస్ పాసైన వారూ ITI కోర్సుల్లో చేరేందుకు ప్రణాళికలు సిద్ధం చేస్తున్నామని HRD శాఖ కార్యదర్శి కోన శశిధర్ వెల్లడించారు. వారు ఇక్కడ చదువుతూనే డిస్టెన్స్ ఎడ్యుకేషన్లో టెన్త్ పాసయ్యేలా ప్రోత్సహిస్తామని తెలిపారు. ఇప్పటికే వృత్తి పనులు చేస్తున్నవారి స్కిల్స్ పరీక్షించి సర్టిఫికెట్లు అందిస్తామన్నారు.
News March 13, 2026
వార్ ఎఫెక్ట్.. పెరిగిన ధరలు
పశ్చిమాసియాలో యుద్ధం కారణంగా దేశంలో వంట గ్యాస్తో పాటు వంట నూనెల ధరలకూ రెక్కలొచ్చాయి. వివిధ రకాల నూనెల రేట్లు గత వారంతో పోలిస్తే కేజీపై ₹1-4 వరకు పెరిగాయి. సన్ ఫ్లవర్ ఆయిల్ ₹4, పామ్ ఆయిల్ ₹2.50, గ్రౌండ్నట్ ఆయిల్ ₹2, సోయాబీన్, వనస్పతి ఆయిల్ ₹1 చొప్పున పెరిగాయి. దేశంలో ఉపయోగించే వెజిటబుల్ ఆయిల్స్లో దాదాపు 90 శాతం అంతర్జాతీయ మార్కెట్ నుంచి దిగుమతి చేసుకోవడమే ఇందుకు కారణం.
News March 13, 2026
సెలవు తేదీ మార్పు
AP: పవిత్ర రంజాన్ మాసంలో జరుపుకునే ‘షబే ఖద్ర్’ పండుగ సందర్భంగా ప్రకటించిన ఆప్షనల్ సెలవును ఈ నెల 15 నుంచి 17వ తేదీకి ప్రభుత్వం మార్చింది. ఈ మేరకు CS సాయి ప్రసాద్ ఉత్తర్వులు జారీ చేశారు. రాష్ట్ర వక్ఫ్ బోర్డు విజ్ఞప్తి మేరకు ఈ నిర్ణయం తీసుకున్నట్లు తెలిపారు. రంజాన్ మాసంలోని చివరి 10 రోజుల్లో, ముఖ్యంగా బేసి సంఖ్య రోజుల్లో ఈ పండుగ జరుపుకుంటారు. ఖురాన్ అవతరించిన రాత్రిగా దీన్ని భావిస్తారు.