News April 25, 2024
IPL: గెలిస్తే ధోనీ.. ఓడితే గైక్వాడా?
నిన్న 210 రన్స్ చేసినా చెన్నై ఓడిపోవడం సరికొత్త చర్చకు దారి తీసింది. CSK గెలిస్తే ధోనీకి క్రెడిట్ ఇచ్చే ఫ్యాన్స్.. ఓడితే మాత్రం రుతురాజ్ను విమర్శిస్తున్నారని నెటిజన్లు పోస్టులు పెడుతున్నారు. ధోనీ ప్రస్తుతం సారథిగా లేకపోయినా కీలకంగా వ్యవహరిస్తున్నారని అంటున్నారు. CSK గెలిస్తే ధోనీ వ్యూహాలతోనే సాధ్యమైందని పొగిడినప్పుడు.. ఓడినప్పుడూ అతడినే బాధ్యుడిని చేయాలని అభిప్రాయపడుతున్నారు. దీనిపై మీ కామెంట్?
Similar News
News March 26, 2026
కొత్తగా 620 డ్రైవింగ్ స్కూళ్లతో కోటి ఉద్యోగాలు: నితిన్ గడ్కరీ
దేశంలోని 120 జిల్లాలు, 500 బ్లాకు(జిల్లా సబ్డివిజన్)ల్లో డ్రైవింగ్ స్కూళ్లు ఏర్పాటు చేస్తామని కేంద్ర మంత్రి నితిన్ గడ్కరీ తెలిపారు. సామాజికంగా, ఆర్థికంగా, విద్యాపరంగా వెనకబడిన ప్రాంతాల్లో వీటిని ప్రారంభిస్తామని వెల్లడించారు. తద్వారా వచ్చే ఐదేళ్లలో కోటి ఉద్యోగాలు వస్తాయని చెప్పారు. ప్రభుత్వం ఇప్పటికే 200 డ్రైవింగ్ స్కూళ్లు ఓపెన్ చేసిందని పేర్కొన్నారు. దేశంలో 22 లక్షల మంది డ్రైవర్ల కొరత ఉందన్నారు.
News March 26, 2026
IPL: రెండో ఫేజ్ షెడ్యూల్ వచ్చేసింది
IPL-2026 రెండో ఫేజ్ షెడ్యూల్ను BCCI రిలీజ్ చేసింది. APR 13- MAY 24 వరకు 12 వేదికల్లో 50 లీగ్ మ్యాచులు జరగనున్నాయి. తొలి ఫేజ్ మార్చి 28 – ఏప్రిల్ 12వ తేదీ వరకు జరగనున్న విషయం తెలిసిందే. ప్లే ఆఫ్స్ మ్యాచుల షెడ్యూల్ను త్వరలో ప్రకటిస్తామని BCCI చెప్పింది. బెంగళూరు, ముంబై, చెన్నై, కోల్కతా, ఢిల్లీ, అహ్మదాబాద్, హైదరాబాద్, లక్నో, జైపూర్, ధర్మశాల, రాయ్పూర్, న్యూ చండీగఢ్లో మ్యాచులు జరగనున్నాయి.
News March 26, 2026
రేపు ‘పెద్ది’ నుంచి ఇంట్రెస్టింగ్ అప్డేట్..!
మెగా పవర్ స్టార్ రామ్ చరణ్ హీరోగా బుచ్చిబాబు తెరకెక్కిస్తున్న ‘పెద్ది’ సినిమా నుంచి రేపు అదిరిపోయే అప్డేట్ రానుంది. ‘చరణ్ బ్యాట్ పట్టుకోవడాన్ని చూశారు. కానీ ఇప్పుడు ఆయన గదతో వస్తున్నారు’ అంటూ బుచ్చిబాబు ఓ పోస్టర్ను విడుదల చేశారు. శ్రీరామ నవమి సందర్భంగా రేపు 9.45AMకి వస్తున్నారంటూ ట్వీట్ చేశారు. దీంతో ఇది ఏమయ్యుంటుందా? అని ఫ్యాన్స్ ఆత్రుతగా ఎదురుచూస్తున్నారు. ఏప్రిల్ 30న ఈ చిత్రం విడుదలవనుంది.