News March 22, 2025

IPL: ఈసారైనా వీరికి టైటిల్ దక్కేనా?

image

ఐపీఎల్‌లో కొన్ని జట్లు ఒక్కసారి కూడా ట్రోఫీని ముద్దాడలేకపోయాయి. వాటిలో పంజాబ్ కింగ్స్, ఢిల్లీ క్యాపిటల్స్, RCB, LSG ఉన్నాయి. ఈ సారైనా తమ ఫేవరెట్ జట్లు కప్పు కొట్టాలని అభిమానులు కోరుకుంటున్నారు. కాగా ఐపీఎల్ 18వ సీజన్ నేటి నుంచి మే 25 వరకు కొనసాగనుంది. 64 రోజులపాటు 74 మ్యాచులు జరగనున్నాయి. ప్రస్తుతం టైటిల్ కోసం 10 జట్లు బరిలోకి దిగుతున్నాయి. మీ ఫేవరెట్ టీమ్ ఏదో కామెంట్ చేయండి.

Similar News

News November 30, 2025

HYD: ఏడడుగుల బంధం ఏమైపోతోంది?

image

ఆలుమగల నడుమ అన్యోన్యం అటకెక్కుతోంది. మూడుముళ్ల బంధం ముక్కలువుతోంది. ఒడిదుడుకులు తట్టుకోవాల్సిన వారు ఒకరిపై ఒకరు కక్షలు పెంచుకుంటున్నారు. జీలకర్ర బెల్లంలా కలిసి ఉండాల్సిన వారు జీవితాలను నాశనం చేసుకుంటున్నారు. బోడుప్పల్‌లో ఆగస్టు 24న గర్భవతైన భార్యను భర్త ముక్కలు చేసి చంపేశాడు. తాజాగా ఇదే ప్రాంతంలో భర్తను కుమారుడు, మేనల్లుడితో కలిసి కడ తేర్చింది ఓ భార్య. వరుస ఘటనలు దంపతుల ప్రేమను దహించేస్తున్నాయి.

News November 30, 2025

బాడీ బిల్డర్‌ని కొట్టి చంపేశారు

image

హరియాణాలోని రోహ్‌తక్‌కు చెందిన ప్రొఫెషనల్ బాడీ బిల్డర్‌, ఇంటర్నేషనల్ గోల్డ్ మెడలిస్ట్ రోహిత్‌ను దుండగులు కొట్టి చంపేశారు. ఓ బరాత్‌లో కొందరు ఆకతాయిలు మహిళలను ఏడిపిస్తుంటే రోహిత్ వారిని వారించాడు. వాళ్లు దారికాచి 20మంది కర్రలతో రోహిత్‌పై దాడి చేశారు. తీవ్ర గాయాలైన అతడిని ఆస్పత్రిలో చేర్చగా చికిత్స పొందుతూ చనిపోయాడు. రోహిత్ శరీరంపై గాయంకాని ప్రదేశమేలేదని కుటుంబ సభ్యులు ఆవేదన వ్యక్తం చేశారు.

News November 30, 2025

TG న్యూస్ అప్డేట్స్

image

* 1,365 గ్రూప్-3 ఉద్యోగాల భర్తీకి అభ్యర్థుల సర్టిఫికెట్ల పరిశీలన నిన్నటితో ముగిసింది.
* నాగర్‌కర్నూల్ జిల్లా ప్రభుత్వ మెడికల్ కాలేజీలో ర్యాగింగ్.. నలుగురు విద్యార్థులు సస్పెండ్.
* చెన్నైలో DEC 2న జరిగే ఇగ్నిషన్ సదస్సులో పాల్గొనాల్సిందిగా KTRను శివ్ నాడార్ ఫౌండేషన్ ఆహ్వానించింది.
* విదేశాల్లో ఉన్నతవిద్యను అభ్యసించేందుకు కీలకమైన IELTSలో ఉచిత శిక్ష ఇవ్వనున్నట్లు బీసీ స్టడీ సర్కిల్ ప్రకటించింది.