News July 3, 2024
ఇషాన్ కిషన్ కెరీర్ ముగిసినట్లేనా?
టీమ్ ఇండియా వికెట్ కీపర్ ఇషాన్ కిషన్ అంతర్జాతీయ క్రికెట్ కెరీర్ ముగిసినట్లే కనిపిస్తోంది. భారత్ తరఫున ఏ సిరీస్‌కూ BCCI ఇషాన్‌ను పరిగణనలోకి తీసుకోవడం లేదు. చివరకు జింబాబ్వే టీ20 పర్యటనకు కూడా ఆయనను సెలక్ట్ చేయలేదు. సౌతాఫ్రికా పర్యటనకు ముందు ఇషాన్ అన్ని ఫార్మాట్లలో రెగ్యులర్ ఆటగాడిగా ఉన్నారు. కానీ బోర్డుతో విభేదాలు తలెత్తడంతో సెంట్రల్ కాంట్రాక్టు కూడా కోల్పోయారు.
Similar News
News July 6, 2024
ఆ రోజుల్లో బ్రేక్ దర్శనాలు రద్దు
AP: తిరుమల శ్రీవారి ఆలయంలో ఈ నెల 9, 16 తేదీల్లో బ్రేక్ దర్శనాన్ని రద్దు చేశారు. 9న కోయిల్ ఆళ్వార్ తిరుమంజనం, 16న సాలకట్ల ఆణివార ఆస్థాన పర్వదినం సందర్భంగా బ్రేక్ దర్శనాలు రద్దు చేస్తున్నట్లు టీటీడీ తెలిపింది. భక్తులు గమనించాలని పేర్కొంది.
News July 6, 2024
నేడు పులివెందులకు మాజీ సీఎం జగన్
AP: వైసీపీ అధినేత వైఎస్ జగన్ నేటి నుంచి 3 రోజులు పులివెందులలో పర్యటించనున్నారు. ఇవాళ ఉదయం గన్నవరం నుంచి కడప ఎయిర్‌పోర్టుకి జగన్ చేరుకుంటారు. అక్కడి నుంచి రోడ్డు మార్గంలో పులివెందుల వెళ్తారు. 2 రోజుల పాటు ఆయన కార్యకర్తలు, ప్రజలకు అందుబాటులో ఉంటారు. ఈ నెల 8న ఇడుపులపాయలో వైఎస్సార్ జయంతి కార్యక్రమంలో పాల్గొంటారు.
News July 6, 2024
శ్రీశైలంలో బయటపడిన పురాతన శివలింగం
AP: శ్రీశైలం దేవస్థానం యాంఫి థియేటర్ సమీపంలో పురాతన శివలింగం బయటపడింది. సీసీ రోడ్డు నిర్మాణం కోసం జేసీబీతో చదును చేస్తుండగా శివలింగంతో పాటు నంది విగ్రహం లభ్యమైంది. ఆ శివలింగం వద్ద గుర్తు తెలియని లిపితో గుర్తులు రాసి ఉన్నాయి. వాటిని ఆర్కియాలజీకి పంపగా.. ఆ లిపి 14,15వ శతాబ్దానికి చెందిన తెలుగు శాసనంగా గుర్తించారు. కాగా ఇదే ప్రాంతంలో గతంలో చతుర్ముఖ లింగం, పలు తామ్రపత్రాలు బయటపడ్డాయి.