News December 3, 2024
ఎన్టీఆర్, అల్లు అర్జున్‌ది సేమ్ ప్రాబ్లమా?
టాలీవుడ్ హీరోలు ఎన్టీఆర్, అల్లు అర్జున్ సేమ్ ప్రాబ్లమ్ ఎదుర్కొంటున్నారు. వంశాల గోల లేకుండా తమ సొంతంగా ఒక వ్యవస్థను సృష్టించుకుంటున్నారు. కానీ ఇదే వీరిపై కొందరిలో నెగటివ్ కలిగిస్తోంది. దీంతో వీరి సినిమాలను బహిష్కరించాలని సోషల్ మీడియాలో హ్యాష్ ట్యాగ్స్ ట్రెండ్ చేస్తుంటారు. సినిమా ఫంక్షన్లలో బాలకృష్ణ పేరును ఎన్టీఆర్.. చిరంజీవి, పవన్ పేరును బన్నీ ప్రస్తావించకపోవడంతో నెగటివిటీ పెరిగిపోతున్నట్లు టాక్.
Similar News
News November 16, 2025
SBIలో 103 స్పెషలిస్ట్ కేడర్ ఆఫీసర్ పోస్టులు.. అప్లై చేశారా?
SBIలో 103 కాంట్రాక్ట్ స్పెషలిస్ట్ కేడర్ ఆఫీసర్ పోస్టులకు అప్లై చేయడానికి రేపే ఆఖరు తేదీ. పోస్టును బట్టి డిగ్రీ, PG, CA, CFA,CFP,MBA, పీజీ డిప్లొమా, PGDM ఉత్తీర్ణతతో పాటు పని అనుభవం గలవారు అప్లై చేసుకోవచ్చు. ఇంటర్వ్యూ ద్వారా ఎంపిక చేస్తారు. వయసు 25-50ఏళ్ల మధ్య ఉండాలి. దరఖాస్తు ఫీజు రూ.750, SC, ST, PWBDలకు ఫీజు లేదు. వెబ్‌సైట్: https://sbi.bank.in/
News November 16, 2025
తమిళనాడు నుంచి ఏపీకి $150 మిలియన్ల పెట్టుబడులు
సౌత్ కొరియాకు చెందిన Hwaseung కంపెనీ ఏపీలో $150 మిలియన్ల పెట్టుబడులు పెట్టనుంది. కుప్పంలో నాన్-లెదర్ స్పోర్ట్స్ షూలను ఉత్పత్తి చేయనుంది. గ్లోబల్ బ్రాండ్లైన Nike, Adidasలను ఈ సంస్థే తయారు చేస్తుంది. కుప్పంలో ఏడాదికి 20 మిలియన్ల షూ జతలను ఉత్పత్తి చేయనున్నారు. 20వేల మందికి ఉపాధి దక్కే అవకాశం ఉంది. ఈ ఆగస్టులో తమిళనాడుతో ఒప్పందం చేసుకున్నా తాజాగా ఏపీకి వస్తున్నట్లు ఆ కంపెనీ ప్రకటించింది.
News November 16, 2025
టెస్టుకు దూరమైన గిల్
టీమ్ ఇండియా కెప్టెన్ గిల్ ప్రస్తుతం వైద్యుల పర్యవేక్షణలో ఉన్నారు. దీంతో సౌతాఫ్రికాతో జరుగుతున్న తొలి టెస్టులో ఆయన పాల్గొనరని BCCI వెల్లడించింది. రెండో రోజు బ్యాటింగ్ చేస్తూ గిల్ మెడనొప్పితో మైదానాన్ని వీడారు. అటు ఇవాళ మూడో రోజు ఆట ప్రారంభమైంది. రెండో ఇన్నింగ్సులో సౌతాఫ్రికా స్కోర్ 93/7గా ఉంది.