News March 22, 2025
భాష పేరుతో రాజకీయం అందుకే? అమిత్ షా
కొన్ని రాజకీయ పార్టీలు తమ అవినీతిని కప్పి పెట్టడానికే భాష పేరుతో రాజకీయం చేస్తున్నాయని కేంద్ర హోంశాఖ మంత్రి అమిత్‌షా ఆరోపించారు. సౌత్ ఇండియా భాషలను తాము వ్యతిరేకిస్తున్నట్లు వ్యాఖ్యానిస్తున్నారని అది ఎలా సాధ్యమవుతుందని ప్రశ్నించారు. తమిళనాడులో NDA కూటమి అధికారంలోకి వస్తే మెడిసిన్, ఇంజినీరింగ్ పాఠ్య పుస్తకాలను తమిళ భాషలోకి అనువదిస్తామని తెలిపారు.
Similar News
News November 30, 2025
దిత్వా ఎఫెక్ట్.. తమిళనాడుకు రెడ్ అలర్ట్
దిత్వా తుఫాను తీరానికి చేరువవుతున్న సమయంలో తమిళనాడు, పుదుచ్చేరికి వాతావరణ శాఖ రెడ్ అలర్ట్ ఇచ్చింది. తమిళనాడులోని కడలూరు, నాగపట్నం, మయిలాడుతురై, విల్లుపురం, చెంగల్‌పట్టు జిల్లాలతోపాటు పుదుచ్చేరిలోని కారైకల్ ప్రాంతంలో భారీ వర్షాలు పడే ఛాన్స్ ఉందని హెచ్చరించింది. పలు ప్రాంతాల్లో ఇప్పటికే గాలులతో కూడిన వర్షం మొదలుకాగా నెల్లూరు జిల్లాలో శనివారం ఓ మోస్తరు వాన కురిసిందని అధికారులు చెబుతున్నారు.
News November 30, 2025
ఈ కలుపు మందులతో వయ్యారిభామ నిర్మూలన
వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.
News November 30, 2025
కల్తీ నెయ్యి కేసు.. మరో 12 మంది నిందితులు
AP: కల్తీ నెయ్యి కేసులో మరో 12 మంది అధికారులను నిందితులుగా చేర్చుతూ సిట్ నెల్లూరు ఏసీబీ కోర్టులో మెమో దాఖలు చేసింది. ఈ విషయం ఆలస్యంగా వెలుగులోకి వచ్చింది. వారిలో టీటీడీ ప్రొక్యూర్‌మెంట్ విభాగం మాజీ జీఎం సుబ్రహ్మణ్యం ఇప్పటికే అరెస్టయ్యారు. మిగతా వారిలో ఆరుగురు టీటీడీ అధికారులు, ఐదుగురు డెయిరీ నిపుణులున్నారు. ప్లాంట్లు తనిఖీ చేయకుండానే లంచాలు తీసుకుని అనుకూల నివేదికలు ఇచ్చారని సిట్ ఆరోపించింది.