News September 28, 2024
30న ఐసెట్ స్పెషల్ ఫేజ్ కౌన్సెలింగ్
TG: ఐసెట్‌లో మిగిలిపోయిన సీట్లను భర్తీ చేసేందుకు ఈ నెల 30 నుంచి స్పెషల్ ఫేజ్ కౌన్సెలింగ్ నిర్వహించనున్నారు. 30న రిజిస్ట్రేషన్లు, OCT 1న సర్టిఫికెట్ వెరిఫికేషన్ జరుగుతుందని ప్రవేశాల కమిటీ ఛైర్మన్ శ్రీదేవసేన తెలిపారు. OCT 1,2 తేదీల్లో ఆప్షన్ల నమోదు, 4న సీట్ల కేటాయింపు ఉంటుందన్నారు. సీట్లు పొందిన వారు 5 నుంచి 7 తేదీల్లో కాలేజీల్లో రిపోర్ట్ చేయాలి. 6న స్పాట్ అడ్మిషన్లకు మార్గదర్శకాలు విడుదల చేస్తారు.
Similar News
News November 30, 2025
టెస్టుల్లోకి కోహ్లీ రీఎంట్రీ?
టెస్టు క్రికెట్‌లో IND వరుస ఓటముల నేపథ్యంలో BCCI కీలక నిర్ణయం తీసుకున్నట్లు సమాచారం. విరాట్ కోహ్లీ రిటైర్మెంట్ నిర్ణయాన్ని వెనక్కు తీసుకోవాలని కోరే అవకాశం ఉందని Cricbuzz వెల్లడించింది. తన నిర్ణయాన్ని మార్చుకునేందుకు ఓ ఆటగాడు సిద్ధంగా ఉన్నట్లు పేర్కొంది. కాగా కోహ్లీ, రోహిత్, అశ్విన్, పుజారా లాంటి సీనియర్ల రిటైర్మెంట్ తర్వాత టీమ్ దెబ్బతిన్నట్లు విశ్లేషకులు చెబుతున్నారు.
News November 30, 2025
ఏపీలోనూ SIR చేపట్టాలి: ఎంపీ లావు
AP: కేంద్ర ఎన్నికల సంఘం చేపడుతున్న ఓటరు జాబితా స్పెషల్ ఇంటెన్సివ్ రివిజన్ (SIR)ను స్వాగతిస్తున్నామని ఎంపీ లావు శ్రీకృష్ణదేవరాయలు అన్నారు. ఏపీలో కూడా SIR చేపట్టాలని ఆయన కోరారు. పార్లమెంట్ శీతాకాల సమావేశాల నేపథ్యంలో ఢిల్లీలో జరిగిన అఖిలపక్ష భేటీకి ఆయన హాజరయ్యారు. ఆక్వా, కాటన్ రైతులు, జీఎస్టీ తదితర ఏడు విషయాలపై చర్చించాలని మీటింగ్‌లో కోరామని మీడియాతో చెప్పారు.
News November 30, 2025
ఇవాళ, రేపు జాగ్రత్త: అనిత
AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.