News March 20, 2024

ఐసిస్ ఇండియా హెడ్ అరెస్టు

image

ISIS ఉగ్రవాద సంస్థ టాప్ లీడర్లను పోలీసులు అరెస్టు చేశారు. ఐసిస్ ఇండియా హెడ్ హారిస్ ఫారుఖీతో పాటు అతడి అనుచరుడు అనురాగ్ సింగ్‌ను అరెస్టు చేసినట్లు అస్సాం పోలీసులు వెల్లడించారు. బంగ్లాదేశ్ సరిహద్దు దాటుతుండగా అస్సాంలోని దుబ్రీ వద్ద అరెస్టు చేశామని చెప్పారు. ISISలో కొత్త వారిని చేర్చడం, ఫండింగ్, దేశంలో ఉగ్రవాద కార్యకలాపాలకు వీరు ప్లాన్ చేసినట్లు వివరించారు.

Similar News

News November 29, 2025

నేడే లాస్ట్ డేట్

image

TG: తొలి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కు చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్లు అధికారులు వెల్లడించారు. తొలి విడతలో 4,236 సర్పంచ్, 37,440 వార్డులకు ఎన్నికలు జరగనున్నాయి.

News November 29, 2025

లక్ష్మీదేవికి ఇష్టం లేని, దారిద్ర్యం తెచ్చే పనులు

image

ఉదయాన్నే ఇల్లు, వాకిలి శుభ్రం చేయకపోవడం, సాయంత్రం సంధ్యా దీపం పెట్టకపోవడం, భోజనం చేసిన తర్వాత నోటిని శుభ్రం చేసుకోకపోవడం వంటి పనులు లక్ష్మీదేవికి ఇష్టం ఉండవని పండితులు చెబుతున్నారు. లేవగానే అరవడం, సరిగా వండని ఆహారాన్ని తినడం, తడిబట్టలతో భోజనం చేయడం, మంచం, కుర్చీలపై కూర్చొని భుజించడం కూడా అశుభం అంటున్నారు. ఇలాంటి పనులు ఇంటికి దారిద్ర్యాన్ని తెస్తాయని, అందుకే మానుకోవాలని సూచిస్తున్నారు.

News November 29, 2025

మీజిల్స్ మరణాల్లో 88% తగ్గుదల: WHO

image

మీజిల్స్(తట్టు)పై పోరాటంలో చాలా వరకు సఫలమైనట్లు WHO ప్రకటించింది. విస్తృత వ్యాక్సిన్ పంపిణీ వల్ల 24ఏళ్లలో మీజిల్స్ మరణాల్లో 88% తగ్గుదల నమోదైందని చెప్పింది. అంటే 59మిలియన్ చిన్నారుల ప్రాణాలు కాపాడినట్లు అయిందని తాజా నివేదికలో వెల్లడించింది. మరణాల్లో తగ్గుదల ఉన్నప్పటికీ కేసులు పెరుగుతున్నాయని పేర్కొంది. 2024లో ప్రపంచ వ్యాప్తంగా 84% మంది పిల్లలు వ్యాక్సిన్ ఫస్ట్ డోస్ తీసుకున్నట్లు వెల్లడించింది.