News January 4, 2025
‘గేమ్ ఛేంజర్’ తొలి హీరో రామ్ చరణ్ కాదా?
రామ్ చరణ్-కియారా జంటగా నటించిన గేమ్ ఛేంజర్ సినిమాపై భారీ అంచనాలున్నాయి. అయితే ఈ చిత్ర కథను డైరెక్టర్ శంకర్ తొలుత దళపతి విజయ్‌కు వినిపించారని సమాచారం. ఆయనకు కథ నచ్చినప్పటికీ పలు కారణాలతో తెరకెక్కలేదని తెలుస్తోంది. ఆ తర్వాత నిర్మాత దిల్ రాజు ద్వారా చెర్రీకి కథ చెప్పినట్లు టాక్. ఆయన గ్రీన్ సిగ్నల్ ఇవ్వడంతో పట్టాలెక్కిందని వార్తలు వస్తున్నాయి. ఈ చిత్రానికి పవన్ కళ్యాణ్ పేరు కూడా గతంలో వినిపించింది.
Similar News
News January 6, 2025
కేటీఆర్‌కు మరోసారి నోటీసు
TG: ఫార్ములా-ఈ కారు రేసు కేసులో కేటీఆర్‌కు మరోసారి ఏసీబీ నోటీసు జారీ చేసింది. ఇవాళ విచారణకు హాజరు కావాల్సి ఉండగా తనతో పాటు న్యాయవాదిని లోనికి అనుమతించకపోవడంతో వెనుదిరిగారు. ఈ క్రమంలో ఈ నెల 9న విచారణకు రావాలని ఆదేశించింది.
News January 6, 2025
నమస్కారం ముద్దు.. హ్యాండ్ షేక్ వద్దు: IMA
చలితో ప్రబలే సీజనల్ ఫ్లూ పట్ల అప్రమత్తంగా ఉండాలని IMA హైదరాబాద్ విభాగం సూచించింది. ప్రస్తుతం నగరంలో శ్వాస సంబంధ కేసులు అదుపులోనే ఉన్నాయని తెలిపింది. అయినప్పటికీ పిల్లలు సహా అందరూ తప్పక ముందస్తు జాగ్రత్తలు తీసుకోవాలని IMA HYD అధ్యక్షుడు డా. ప్రభు సూచించారు. hMPV కేసుల నేపథ్యంలో ఇతరులను తాకడాన్ని మానుకోవాలన్నారు. అటు పలకరింపులో ‘నమస్కారం ముద్దు హ్యాండ్ షేక్ వద్దు’ను పాటించాలని సూచించారు.
News January 6, 2025
బౌన్సర్ల తీరుపై నటుడి అసహనం
బౌన్సర్ల తీరుపై నటుడు బ్రహ్మాజీ X వేదికగా అసహనం వ్యక్తం చేశారు. ‘ఎక్కడ చూసినా బౌన్సర్స్. వాళ్ల ఓవరాక్షన్ ముందు మా యాక్షన్ సరిపోవట్లేదు. ఏం చేయాలి? బయట అయితే ఓకే. సెట్స్‌లో కూడానా’ అని రాసుకొచ్చారు. దీంతో ‘సెట్స్‌లో మిమ్మల్ని బౌన్సర్లు ఏమైనా అన్నారా?’ అని నెటిజన్లు ప్రశ్నిస్తున్నారు. ఏ మూవీ షూటింగ్‌లో జరిగిందో చెప్పాలని కోరుతున్నారు.