News January 16, 2025
ఇజ్రాయెల్-గాజా సీజ్ఫైర్: 6 వారాల తర్వాత ఏం జరుగుతుందంటే?
ఇజ్రాయెల్-గాజా సీజ్ఫైర్ 3 దశల్లో కొనసాగుతుందని హమాస్ విడుదల చేసిన డాక్యుమెంట్ ద్వారా తెలుస్తోంది. మొదటి దశ 6 వారాలు ఉంటుంది. వారానికి కొందరు చొప్పున చివరి వారం బందీలందరినీ హమాస్ విడుదల చేస్తుంది. రెండో వారం మిలిటరీ ఆపరేషన్స్ శాశ్వతంగా ఆగిపోతాయి. ఇజ్రాయెల్, గాజా పరస్పరం పౌరులు, సైనికుల్ని విడుదల చేస్తాయి. మూడో దశలో మృతదేహాలు, అస్థికలను ఇస్తారు. ఆ తర్వాత 3-5 ఏళ్లలో గాజా పునర్నిర్మాణం మొదలవ్వాలి.
Similar News
News January 25, 2026
యాలకులతో ఆరోగ్య ప్రయోజనాలు
యాలకుల్లో ఉండే జింక్, ఐరన్, విటమిన్ సి, రిబోఫ్లావిన్, సల్ఫర్, నియాసిన్లు ఆరోగ్యానికి మేలు చేస్తాయని ఆరోగ్య నిపుణులు చెబుతున్నారు. ‘ఇవి తింటే జీర్ణక్రియ మెరుగుపడుతుంది. మలబద్ధకం, కడుపునొప్పి, అసిడిటీ వంటి సమస్యలు పోతాయి. నోటి దుర్వాసన పోతుంది. రక్తపోటు అదుపులో ఉంటుంది. గుండె ఆరోగ్యం మెరుగుపడుతుంది. శ్వాసకోశ సమస్యలు పోతాయి. వీటిలోని ఎంజైమ్లు శరీరంలోని కొలెస్ట్రాల్ను తగ్గిస్తాయి’ అని అంటున్నారు.
News January 25, 2026
ఈ రథసప్తమి చాలా ప్రత్యేకం.. ఎందుకంటే?
ఈ ఏడాది రథసప్తమి ఆదివారంతో కలిసి వచ్చింది. సూర్యుడికి ఆదివారం అంటే మహా ప్రీతి. అదే రోజున ఆయన జన్మదినం రావడం ఈ పర్వదినాన రెట్టింపు శక్తినిస్తుంది. దీన్ని భాను సప్తమి అని కూడా అంటారు. ఈరోజు చేసే సూర్యారాధన, ధ్యానం, దానధర్మాలు కోటి రెట్లు ఫలితాన్నిస్తాయి. ఇలాంటి అరుదైన యోగం ఉన్న రోజున అరుణోదయ స్నానమాచరించి, సూర్యుడిని దర్శించుకుంటే దీర్ఘకాలిక అనారోగ్యాలు తొలగి ఐశ్వర్యం, ఆయుష్షు సిద్ధిస్తాయని నమ్మకం.
News January 25, 2026
మోస్ట్ బ్యాక్వర్డ్ క్లాసెస్ లిస్టులో మరో 14 కులాలు
TG: మోస్ట్ బ్యాక్వర్డ్ క్లాసెస్ (MBC) లిస్టులో మరో 14 కులాలను చేర్చేందుకు రాష్ట్ర ప్రభుత్వం సిద్ధమైంది. ఇందుకోసం త్వరలో కేంద్రానికి లేఖ రాయనుంది. ప్రస్తుతం MBC లిస్టులో 36 కులాలు ఉండగా, ఆ సంఖ్య 50కి చేరనుంది.
14 కులాలు: దాసరి(బెగ్గరి), జంగం, పంబాల, వాల్మికి బోయ, తల్యారీ, చుండువాళ్లు, యాట, సిద్దుల, సిక్లింగర్, ఫకీర్, గుడ్డి ఏలుగు, కునపులి, రాజనాల, బుక్క అయ్యవారాస్.