News August 30, 2024
ఇది ప్రజలు ఓడించిన ఓటమి కాదు: రోజా
AP: అసెంబ్లీ ఎన్నికలు సునామీలా జరిగాయని మాజీ మంత్రి రోజా అన్నారు. ఇది ప్రజలు ఓడించిన ఓటమి కాదని, నిజాలు నిదానంగానైనా బయటకు వస్తాయని చెప్పారు. పార్టీ కార్యకర్తలతో సమావేశంలో ఆమె మాట్లాడారు. ఘోరంగా ఓడిపోయేంత తప్పులు వైసీపీ ఏమీ చేయలేదన్నారు. అధికారంలో లేకపోయినా ప్రజలకు అందుబాటులో ఉంటామని తెలిపారు.
Similar News
News January 31, 2025
YS జగన్, భారతి ఫొటోలతో పెళ్లి శుభలేఖ
AP: స్టేట్ కాపు కార్పొరేషన్ మాజీ డైరెక్టర్ ముద్దాల తిరుపతి రావు మాజీ CM జగన్‌పై వినూత్న పద్ధతిలో అభిమానాన్ని చాటుకున్నారు. తన కూతురు ప్రత్యూష పెళ్లి సందర్భంగా జగన్, భారతి ఫొటోలను వెడ్డింగ్ కార్డుపై ప్రింట్ చేయించారు. వారి ఆశీస్సులతో తన కూతురి పెళ్లి జరుగుతుందని పేర్కొంటూ ఆహ్వానిస్తున్నారు. దీంతో ఈ శుభలేఖ నెట్టింట వైరల్ అవుతోంది. ఇక లండన్ టూర్ నుంచి జగన్ దంపతులు ఇవాళే ఇండియాకు తిరిగివచ్చారు.
News January 31, 2025
నీలంరాజుకు GOLD మెడల్.. లోకేశ్ అభినందనలు
AP: ఉత్తరాఖండ్‌లో జరుగుతున్న 38వ నేషనల్ గేమ్స్‌లో గుంటూరుకు చెందిన నీలంరాజు సత్తా చాటారు. వెయిట్ లిఫ్టింగ్‌ 67 కేజీల విభాగంలో తొలిస్థానంలో నిలిచి గోల్డ్‌మెడల్ సాధించారు. దీంతో నీలంరాజును మంత్రి నారా లోకేశ్ ట్విటర్ వేదికగా అభినందించారు. ఇది రాష్ట్ర ప్రజలందరూ గర్వించదగ్గ విషయం అని కొనియాడారు. భవిష్యత్తులో మరింతగా రాణించి పలువురికి ఆదర్శంగా నిలవాలని లోకేశ్ పేర్కొన్నారు.
News January 31, 2025
వారంలో 2 రోజులు సెలవు?
బ్యాంక్ ఉద్యోగులు ఎప్పట్నుంచో డిమాండ్ చేస్తున్న వారంలో రెండు రోజుల సెలవు విజ్ఞప్తిపై రేపు స్పష్టత రానుంది. వారంలో 5 పనిదినాలే ఉండాలని ఉద్యోగులు కోరుతుండగా, రేపటి బడ్జెట్ సమావేశంలో కేంద్రం స్పష్టత ఇచ్చే అవకాశం ఉంది. 2 రోజుల సెలవుకు కేంద్రం అంగీకరిస్తే శని, ఆదివారాలు మినహా మిగతా రోజుల్లో అదనంగా 40 నిమిషాలు(ఉ.9.40 నుంచి సా.5.30) పనిచేయాల్సి ఉంటుంది.