News July 14, 2024
భావప్రకటనా స్వేచ్ఛను జగన్ కాలరాశారు: యనమల
AP: జగన్ పాలనలో అసెంబ్లీ కార్యక్రమాలను నిర్వీర్యం చేశారని TDP నేత యనమల రామకృష్ణుడు విమర్శించారు. భావప్రకటనా స్వేచ్ఛను కాలరాశారని ఆరోపించారు. 15వ అసెంబ్లీ ఐదేళ్లలో ఈశాన్య రాష్ట్రాల కంటే 78 రోజులు తక్కువగా పనిచేసిందన్నారు. ప్రతిపక్ష భాగస్వామ్యం లేకుండానే 193 బిల్లులను ఆమోదించిందని దుయ్యబట్టారు. అమరావతి రాజధానికి సంబంధించిన బిల్లులను శాసనమండలిలో తిరస్కరించడం అప్పటి విపక్షం సాధించిన గొప్ప ఘనతన్నారు.
Similar News
News January 20, 2026
ప్రతిరోజూ ఏడ్చేవాడిని: నవీన్ పొలిశెట్టి
‘అనగనగా ఒక రాజు’ మూవీ <<18896518>>రూ.100 కోట్ల<<>> మార్క్ అందుకోవడంపై హీరో నవీన్ పొలిశెట్టి భావోద్వేగ ట్వీట్ చేశారు. ముంబైలో పాల్గొన్న ఎన్నో ఆడిషన్స్, సినిమాని వదిలేయాలనుకున్న క్షణాలు గుర్తొచ్చాయని తెలిపారు. <<13646691>>యాక్సిడెంట్<<>> తర్వాత నటించగలనా అని ప్రతిరోజూ ఏడ్చే వాడినని వెల్లడించారు. ఈ సక్సెస్ ఎన్నో ఏళ్ల తన పోరాటానికి ఫలితమన్నారు. తనపై నమ్మకం ఉంచిన ప్రేక్షకులకు కృతజ్ఞతలు తెలిపారు. ఈ విజయం మన అందరిదని పేర్కొన్నారు.
News January 20, 2026
విమాన ఛార్జీల పెంపు.. కేంద్రం, DGCAకి సుప్రీంకోర్టు నోటీసులు
పండుగల సమయంలో విమాన ఛార్జీలను పెంచుతూ ఎయిర్లైన్స్ దోపిడీకి పాల్పడుతున్నాయని సుప్రీంకోర్టు వ్యాఖ్యానించింది. ప్రైవేట్ ఎయిర్ లైన్స్ ఛార్జీల పెంపును నియంత్రించాలంటూ దాఖలైన పిటిషన్ను జస్టిస్ విక్రమ్ నాథ్, సందీప్ మెహతా ధర్మాసనం విచారించింది. ‘మేము కచ్చితంగా ఈ విషయంలో జోక్యం చేసుకుంటాం’ అని స్పష్టం చేసింది. దీనిపై రిప్లైలు కోరుతూ కేంద్రం, DGCAకి నోటీసులిచ్చింది.
News January 20, 2026
గుజరాత్పై RCB ఘన విజయం
WPLలో RCB హవా కొనసాగుతోంది. గుజరాత్పై 61 రన్స్ తేడాతో ఘన విజయం సాధించింది. 179 పరుగుల లక్ష్యాన్ని ఛేదించడంలో GG జట్టు తడబడింది. కెప్టెన్ గార్డ్నర్(54) ఒంటరి పోరాటం వృథా అయ్యింది. మిగిలిన బ్యాటర్లు ఎవరూ పెద్దగా రాణించలేదు. RCB బౌలర్లలో సయాలి 3, నాడిన్ డి క్లెర్క్ 2, లారెన్ బెల్, రాధా యాదవ్, శ్రేయాంక తలో వికెట్ తీశారు. RCB వరుసగా 5 విజయాలు సాధించి 10 పాయింట్లతో టేబుల్ టాపర్గా కొనసాగుతోంది.