News December 24, 2024
4 రోజులు వైఎస్సార్ జిల్లాలో జగన్ పర్యటన
AP: మాజీ సీఎం, వైసీపీ చీఫ్ జగన్ ఇవాళ్టి నుంచి 4 రోజుల పాటు వైఎస్సార్ జిల్లాలో పర్యటించనున్నారు. నేడు ఇడుపులపాయలోని YSR ఘాట్‌ వద్ద నివాళులర్పించి పులివెందుల చేరుకుంటారు. 25న CSI చర్చిలో జరిగే క్రిస్మస్‌ వేడుకల్లో పాల్గొంటారు. 26న పులివెందుల క్యాంప్‌ ఆఫీస్‌లో ప్రజాదర్బార్ నిర్వహిస్తారు. 27న పులివెందుల విజయా గార్డెన్స్‌లో ఓ వివాహానికి హాజరై బెంగళూరుకు వెళ్తారు.
Similar News
News December 24, 2024
పోలీసుల వద్ద అల్లు అర్జున్ భావోద్వేగం
థియేటర్ తొక్కిసలాట ఘటనపై పోలీసులు అల్లు అర్జున్‌ను ఈ రోజు విచారించిన సంగతి తెలిసిందే. ఘటనకు సంబంధించిన వీడియోను అధికారులు చూపించగా.. బన్నీ భావోద్వేగానికి గురైనట్లు సమాచారం. మొత్తం 3.35 గంటల పాటు సాగిన విచారణలో బన్నీ తన కారులోని బిస్కెట్స్, డ్రైఫ్రూట్స్ మాత్రమే తిని టీ సేవించారని తెలుస్తోంది. దర్యాప్తులో కొన్ని ప్రశ్నలకు ఆయన తెలీదని జవాబిచ్చినట్లు అధికార వర్గాలు పేర్కొన్నాయి.
News December 24, 2024
ఆ నిర్మాణాలు కూల్చం: హైడ్రా కమిషనర్
TG: హైడ్రా ఏర్పాటుకు ముందు ఇచ్చిన అనుమతులన్నీ చెల్లుతాయని కమిషనర్ రంగనాథ్ వెల్లడించారు. హైడ్రా వచ్చాక జరుగుతున్న అక్రమ నిర్మాణాలనే కూల్చుతామన్నారు. FTLలో ప్రజలు నివాసం ఉంటున్న భవనాలను కూల్చబోమని ప్రకటించారు. కాలనీ సంఘాలు చేస్తున్న ఫిర్యాదులకు తొలి ప్రాధాన్యత ఇస్తామన్నారు. హైడ్రా ఏర్పాటు తర్వాత ప్రజల్లో చైతన్యం పెరిగిందని, స్థలాలు కొనేవారు అన్నీ చెక్ చేసుకుంటున్నారని చెప్పారు.
News December 24, 2024
లోయలోపడ్డ ఆర్మీ వాహనం వివరాలు ఇవే
జ‌మ్మూక‌శ్మీర్‌లోని పూంచ్ జిల్లాలో 350 అడుగుల లోయలో పడిన ఆర్మీ వాహనం 11 Madras Light Infantry (11 MLI)కి చెందినదిగా అధికారులు గుర్తించారు. 18 మంది జవాన్లతో కూడిన వాహనం నీలం హెడ్‌క్వార్టర్స్ నుంచి బాల్నోయి ఘోరా పోస్ట్‌కు బయలుదేరగా మార్గంమధ్యలో ఈ ఘటన చోటుచేసుకుంది. 11 MLIకు చెందిన రెస్క్యూ బృందాలు స‌హాయక చ‌ర్య‌ల్ని ముమ్మ‌రం చేశాయి. జ‌వాన్ల మృతిపై White Knight Corps సంతాపం ప్ర‌క‌టించింది.