News December 8, 2024
రష్యా-ఉక్రెయిన్ వార్‌పై జైశంకర్ కీలక వ్యాఖ్యలు
రష్యా-ఉక్రెయిన్ యుద్ధ పరిష్కారానికి అవకాశాలు కనిపిస్తున్నాయని విదేశాంగ మంత్రి జైశంకర్ పేర్కొన్నారు. యుద్ధం వల్ల ఇంధన ధరల పెరుగుదల, ఆహారం, ద్రవ్యోల్బణం, ఎరువుల కొరత సమస్యలు ఏర్పడ్డాయని తెలిపారు. Global Southలోని 125 దేశాల భావాలను భారత్ వినిపిస్తోందని, యూరోపియన్ నేతలు కూడా ఇరుదేశాల‌తో చర్చలు కొనసాగించాలని భారత్‌ను కోరారన్నారు. యుద్ధం కొనసాగింపు కంటే చర్చల వైపు పరిస్థితులు మారుతున్నట్లు చెప్పారు.
Similar News
News November 30, 2025
కారుణ్య నియామకాలకు ఏడాదిలోపే దరఖాస్తు చేసుకోవాలి: హైకోర్టు
TG: జీవో 887 ప్రకారం కారుణ్య నియామకాలకు ఏడాదిలోపే దరఖాస్తు చేసుకోవాలని హైకోర్టు స్పష్టం చేసింది. శ్రీ కొండా లక్ష్మణ్ వర్సిటీలో పనిచేసే వ్యక్తి 2011లో మరణించగా, అతని భార్య 2013లో కారుణ్య నియామకానికి అప్లై చేశారు. ఆమె దరఖాస్తు రిజెక్ట్ కావడంతో HCని ఆశ్రయించారు. ఆమెకి ఉద్యోగం ఇవ్వాలని 2025లో సింగిల్ జడ్జి తీర్పు ఇవ్వగా, వర్సిటీ అప్పీల్ చేసింది. విచారణ జరిపిన డివిజన్ బెంచ్ ఆ తీర్పును రద్దు చేసింది.
News November 30, 2025
రియల్ మాఫియా చేతుల్లోకి అమరావతి: షర్మిల
AP: రాజధాని రియల్ ఎస్టేట్ మాఫియా చేతుల్లోకి వెళ్లిపోతోందని PCC అధ్యక్షరాలు షర్మిల ఆరోపించారు. ‘రెండో విడతలో సుమారు 17వేల ఎకరాలు సేకరిస్తున్నారు. అవన్నీ అదానీ, అంబానీ కోసం చేస్తున్నవే. మొదటి దశలో పనులు పూర్తి కాకుండానే రెండో దశ భూసేకరణ చేపట్టడాన్ని వ్యతిరేకిస్తున్నాం. రైతులకు ఎన్ని రిట్నబుల్ ప్లాట్లు ఇచ్చారు? కంపెనీలకు ఎంత భూమిచ్చారు? అనే వివరాలతో శ్వేతపత్రం విడుదల చేయాలి’ అని డిమాండ్ చేశారు.
News November 30, 2025
నిజమైన జీవిత విలువలు
తాను దేవుడైనా శ్రీకృష్ణుడు పేద స్నేహితుడైన సుదాముని పాదాలు కడిగాడు. శ్రీరాముడు కుల భేదం చూడకుండా గుహుని సహాయం తీసుకున్నాడు. పార్వతీ దేవి సౌందర్యాన్ని పట్టించుకోకుండా మహాదేవుడిని వరించింది. కానీ మనం మాత్రం కులం, హోదా, రంగు అంటూ మనుషుల్లో బేధాలు చూపిస్తున్నాం. ఇతిహాసాల్లో నుంచి మనం ఈ అనురాగం, సమానత్వం, ప్రేమలను స్ఫూర్తిగా తీసుకోవాలి. గొప్పతనం హోదాలో కాదు, మానవ సంబంధాలలో ఉందని గ్రహించాలి.