News August 16, 2024
మూడు విడతల్లో జమ్మూకశ్మీర్ అసెంబ్లీ ఎన్నికలు
జమ్మూకశ్మీర్ అసెంబ్లీ ఎన్నికలు మూడు విడతల్లో జ‌ర‌గ‌నున్నాయి. సెప్టెంబ‌ర్ 19న మొద‌టి విడత, సెప్టెంబ‌ర్ 25న రెండో విడత, అక్టోబర్ 1న మూడో విడత ఎన్నికలు జ‌ర‌గ‌నున్నాయి. అక్టోబర్ 4న ఫలితాలు వెల్లడి కానున్నాయి. ఇక్కడ మొత్తం 90 అసెంబ్లీ స్థానాలు ఉండ‌గా, ఇందులో 74 జ‌న‌ర‌ల్‌, 9 ఎస్టీ, 7 ఎస్సీ రిజ‌ర్డ్వ్ స్థానాలు ఉన్నాయి. మొత్తం ఓట‌ర్లు 87 లక్షలు. 11 వేల పోలింగ్ బూత్‌లు ఏర్పాటు చేయ‌నున్నారు.
Similar News
News January 21, 2025
మరో వారం కనిష్ఠ ఉష్ణోగ్రతలు
TG: బంగాళాఖాతంలో ఏర్పడిన ఆవర్తన ద్రోణి ప్రభావంతో రాష్ట్రంలో చలి తీవ్రత కొనసాగుతోంది. మరో వారంపాటు కనిష్ఠ ఉష్ణోగ్రతలు కొనసాగే అవకాశం ఉందని హైదరాబాద్ వాతావరణ కేంద్రం తెలిపింది. ఆదిలాబాద్, రంగారెడ్డి తదితర జిల్లాల్లో సింగిల్ డిజిట్‌కే ఉష్ణోగ్రతలు పడిపోయాయి. గద్వాల జిల్లా మినహా అన్ని జిల్లాల్లో టెంపరేచర్ 15°C కంటే తక్కువగా నమోదవుతుండటంతో ఆయా జిల్లాలకు వాతావరణశాఖ ఆరెంజ్, ఎల్లో అలర్ట్ జారీ చేసింది.
News January 21, 2025
ఎంపీల కారు అలవెన్సుగా నెలకు రూ.లక్ష
AP: రాష్ట్రానికి చెందిన లోక్‌సభ, రాజ్య‌సభ సభ్యుల కార్లకు అలవెన్సుల కింద నెలకు రూ.లక్ష చొప్పున మంజూరు చేస్తూ రాష్ట్ర ప్రభుత్వం ఉత్తర్వులు జారీ చేసింది. కేంద్ర మంత్రులకు మినహా మిగతా ఎంపీలకు ఈ అలవెన్స్ వర్తించనుంది. అలాగే డిప్యూటీ స్పీకర్, ఆర్థిక మంత్రి, ప్రభుత్వ చీఫ్ విప్‌కు గృహోపకరణాల కొనుగోలుకు ఒకసారి గ్రాంటుగా రూ.1.50లక్షల చొప్పున రూ.4.50 లక్షలు మంజూరు చేస్తూ మరో ఉత్తర్వును సర్కారు జారీ చేసింది.
News January 21, 2025
కుంభమేళాలో 12లక్షల తాత్కాలిక ఉద్యోగాలు!
ప్రయాగ్‌రాజ్‌ మహాకుంభ మేళాలో 12లక్షల తాత్కాలిక ఉద్యోగాల సృష్టి జరిగిందని గ్లోబల్‌ టెక్నాలజీస్‌ అండ్‌ డిజిటల్‌ టాలెంట్‌ సొల్యూషన్స్‌ ప్రొవైడర్‌ NLB సర్వీసెస్‌ అంచనా వేసింది. పర్యాటక, ఆతిథ్య రంగాల్లోనే సుమారు 4.5లక్షల మందికి ఉపాధి లభించవచ్చని తెలిపింది. హోటల్ స్టాఫ్, టూర్ గైడ్, పోర్టర్లు, ట్రావెల్ కన్సల్టెంట్లు, ఈవెంట్ కోఆర్డినేటర్లు, రవాణా, వైద్య శిబిరాల్లో లక్షల మందికి పని దొరికిందని చెప్పింది.