News March 17, 2024
జనగామ: మాజీ ఎమ్మెల్యే కుమారుడి రాజీనామా
జనగామ నియోజకవర్గంలో బీఆర్ఎస్ పార్టీకి బిగ్ షాక్ తగిలింది. ఆ పార్టీ రాష్ట్ర నాయకులు, మాజీ ఎమ్మెల్యే నాగపురి రాజలింగం కుమారుడు నాగపురి కిరణ్ కుమార్ గౌడ్ బీఆర్ఎస్ పార్టీకి రాజీనామా చేశారు. గత పదేళ్లుగా పార్టీ కోసం ఎంతో శ్రమించినా సరైన అవకాశం రాలేదని ఆయన అసహనం వ్యక్తం చేశారు. త్వరలో రాజకీయ భవిష్యత్ గురించి వెల్లడిస్తానన్నారు.
Similar News
News October 31, 2024
WGL: చారిత్రాత్మక ప్రదేశాలకు వెళ్లేందుకు ప్రణాళికలు: కలెక్టర్
జిల్లా కలెక్టరేట్ ఛాంబర్లో సంబంధిత శాఖల అధికారులతో నేడు వరంగల్ కలెక్టర్ సత్య శారదా సమీక్షించి సమర్థ నిర్వహణకు దిశా నిర్దేశం చేశారు. ఈ సందర్భంగా కలెక్టర్ మాట్లాడుతూ.. టూరిజం క్లబ్స్లో సభ్యత్వం పొందిన విద్యార్థులతో పాటు 2వ తరగతి నుంచి డిగ్రీ చదువుతున్న వరంగల్ ఉమ్మడి జిల్లాతో పాటు చుట్టుపక్కల జిల్లాలలో చారిత్రిక, పర్యాటక ప్రాంతాలను తీసుకెళ్లే విధంగా చర్యలు తీసుకోవాలని అన్నారు.
News October 30, 2024
WGL: నర్సంపేట మార్కెట్కు 4రోజులు సెలవులు
నర్సంపేట వ్యవసాయ మార్కెట్ యార్డుకు వరసగా 4 రోజులు సెలవులు ప్రకటించారు. దీపావళి పండుగ సందర్భంగా ఈనెల 31(గురువారం) దీపావళి, 1(శుక్రవారం) అమావాస్య, 2(శనివారం), 3(ఆదివారం) తేదీల్లో వ్యాపారుల విజ్ఞప్తి మేరకు సెలవులు ప్రకటించారు. తిరిగి 4న మార్కెట్ యథావిధిగా కార్యకలాపాలు కొనసాగుతాయన్నారు.
News October 30, 2024
వరంగల్ మార్కెట్లో తగ్గిన చిరుధాన్యాల ధరలు
వరంగల్ నగరంలోని ఎనుమాముల వ్యవసాయ మార్కెట్లో మంగళవారంతో పోలిస్తే ఈరోజు సూక పల్లికాయ ధర స్వల్పంగా పెరిగింది. నిన్న రూ.4,600 పలికిన సూక పల్లికాయ నేడు రూ.4,610 ధర పలికింది. అలాగే 5531 రకం మిర్చికి నిన్నటిలాగే రూ.13వేలు ధర వచ్చింది. అలాగే మక్కలు బిల్టీ క్వింటాకి మంగళవారం రూ.2,550 ధర రాగా నేడు రూ.2,530కి పడిపోయిందని అధికారులు తెలిపారు.