News July 16, 2024
హీరో నానితో జతకట్టనున్న జాన్వీ కపూర్!
అతిలోక సుందరి శ్రీదేవి కూతురు జాన్వీ కపూర్ మరో తెలుగు సినిమాకు ఓకే చెప్పినట్లు తెలుస్తోంది. ఎన్టీఆర్‌ నటిస్తోన్న ‘దేవర’ సినిమాతో టాలీవుడ్‌లోకి ఎంట్రీ ఇస్తోన్న జాన్వీ వరుస ఛాన్సులు కొట్టేస్తున్నారు. శ్రీకాంత్ ఓదెల తెరకెక్కించనున్న NANI33 సినిమాలో నేచురల్ స్టార్ నానికి జోడీగా ఈ బాలీవుడ్ బ్యూటీ నటించనున్నట్లు సినీవర్గాలు తెలిపాయి. దీనిపై త్వరలో అధికారిక ప్రకటన చేయనున్నట్లు తెలుస్తోంది.
Similar News
News November 29, 2025
నేడు బ్రేక్ఫాస్ట్ మీట్.. వివాదానికి తెర పడనుందా?
కర్ణాటకలో ‘సీఎం కుర్చీ’ వివాదం దేశవ్యాప్తంగా చర్చనీయాంశమైన వేళ కాంగ్రెస్ హైకమాండ్ రంగంలోకి దిగింది. CM సిద్దరామయ్య, Dy.CM DK శివకుమార్‌లకు ఇవాళ 9.30AMకు బ్రేక్ఫాస్ట్ మీట్ ఏర్పాటు చేసింది. ఈ భేటీతో ‘సీఎం’ వివాదానికి తెరదించాలని భావిస్తోంది. కాగా 2023 ఎన్నికల సమయంలో అధిష్ఠానం ఇచ్చిన సీఎం హామీని నెరవేర్చాలని DK అనుచర వర్గం కోరుతోంది. అటు అధిష్ఠానం నిర్ణయానికి కట్టుబడి ఉంటామని సిద్దరామయ్య చెప్పారు.
News November 29, 2025
రోహిత్ శర్మ ముంగిట అరుదైన రికార్డులు
SAతో వన్డే సిరీస్‌కు ముందు రోహిత్‌ను పలు రికార్డులు ఊరిస్తున్నాయి. 3 సిక్సులు బాదితే ODI ఫార్మాట్లో లీడింగ్ సిక్స్ హిట్టర్‌గా నిలుస్తారు. అలాగే 98 రన్స్ చేస్తే 20వేల అంతర్జాతీయ పరుగులు పూర్తవుతాయి. 213 రన్స్ కొడితే 16వేల పరుగులు పూర్తి చేసుకున్న ఓపెనర్‌గా అవతరిస్తారు. ఓ సెంచరీ చేస్తే అత్యధిక సెంచరీలు చేసిన భారత ఓపెనర్‌గా రికార్డ్ సృష్టిస్తారు. SAతో 3 వన్డేల సిరీస్ రేపటి నుంచి ప్రారంభం కానుంది.
News November 29, 2025
ChatGPTలో ఇది ఎప్పుడైనా గమనించారా?
అడ్వాన్స్‌డ్ AI టూల్ అయిన ChatGPT టైమ్ చెప్పలేకపోవడం చర్చగా మారింది. దీనికి ప్రధాన కారణంగా ChatGPTకి సిస్టమ్ టైమ్‌కు నేరుగా యాక్సెస్ ఉండకపోవడం. రియల్‌టైమ్ డేటా చేర్చడానికి కొన్ని టెక్నికల్ సమస్యలు ఉండటంతో పాటు AI గందరగోళానికి గురయ్యే ప్రమాదం ఉందని నిపుణులు అంటున్నారు. అయితే Gemini, Copilot, Grok వంటి AI టూల్స్ మాత్రం ఆటోమేటిక్‌గా టైమ్ చెప్తున్నాయి. ఈ సమస్యలను అధిగమించేందుకు OpenAI పనిచేస్తోంది.