News February 16, 2026
JEE మెయిన్స్లో భాష్యం విద్యార్థి ప్రభంజనం
JEE మెయిన్-2026లో భాష్యం IIT జేఈఈ అకాడమీ విద్యార్థి యోగ శివ సాయి శ్రీరామ్ HT.NO(260310102840) ప్రభంజనం సృష్టించాడు. విద్యాసంస్థల ఛైర్మన్ రామకృష్ణ సోమవారం వివరాలు వెల్లడించారు. విద్యార్థి 99.99 టాప్ పర్సంటైల్తో ఆల్ ఇండియా ఓపెన్ క్యాటగిరిలో టాపర్గా నిలిచి ఉత్తమ ప్రతిభ కనపరిచాడని చెప్పారు. వైస్ ఛైర్మన్ భాష్యం హనుమంతురావు విద్యార్థికి, అధ్యాపకులకు అభినందనలు తెలిపారు.
Similar News
News February 17, 2026
అప్పుడు క్లీన్స్వీప్.. ఇప్పుడు జీరో!
TG: సర్పంచ్ ఎన్నికల్లో కాస్త సత్తా చాటిన BRS మున్సిపల్ ఎన్నికల్లో చతికిలపడింది. 7 కార్పొరేషన్లలో ఒక్క చోట కూడా మేయర్ <<19160296>>పదవి<<>> దక్కించుకోలేకపోయింది. 2020లో ఆ పార్టీ పదికి పది కార్పొరేషన్లు సొంతం చేసుకోవడం గమనార్హం. అటు 116 మున్సిపాలిటీల్లో 18 చోట్ల మాత్రమే ఛైర్మన్ పీఠం కైవసం చేసుకుంది. ఇందులోనూ 13 స్థానాల్లో పూర్తి మెజార్టీ ఉండగా మిగతా 5 చోట్ల కాంగ్రెస్, ఇతరులతో పొత్తు పెట్టుకొని పదవులు దక్కించుకుంది.
News February 17, 2026
‘కుతల ఆర్భాటమే కానీ కుప్పలో గింజలు లేవు’
కొందరు వ్యక్తులు తమకు అన్నీ తెలుసని, తాము చాలా గొప్పవారమని గంభీరమైన మాటలు చెబుతుంటారు. కానీ పని అప్పగిస్తే ఏమీ చేయలేరు. అలాగే పెద్ద కుప్పలా ఉన్న ధాన్యాన్ని గాలికి ఎగబోసేటప్పుడు అందులో నుంచి శబ్ధం(కుతల) వస్తుంది. తీరా చూస్తే అందులో అసలైన గింజలు (ధాన్యం) లేకుండా, కేవలం పొట్టు లేదా తాలు మాత్రమే ఉంటే “వట్టి కుతల ఆర్భాటమే తప్ప, కుప్పలో గింజలు లేవు” అనే సామెతను రైతులు వాడుతుంటారు.
News February 17, 2026
అధిక మాసం ఎలా ఏర్పడుతుందో తెలుసా?
భూమి సూర్యుని చుట్టూ తిరగడానికి 365.25 రోజులు పడుతుంది. అయితే చంద్రుని గమనం ఆధారంగా 12 మాసాలకు 354 రోజులు పడుతుంది. ఈ రెండింటి మధ్య ఏటా వచ్చే 11 రోజుల తేడాను సవరించడానికి ప్రతి మూడేళ్లకు ఓసారి ఓ నెలను అదనంగా కలుపుతారు. దీనినే అధిక మాసం అంటారు. ఏ మాసంలో అయితే సూర్య సంక్రమణం జరగదో ఆ నెలను అధిక మాసంగా పరిగణిస్తారు. ఇది పండుగలు, రుతువుల క్రమం తప్పకుండా ఉండటానికి సహాయపడుతుంది.