News November 22, 2025
JNTU హైదరాబాద్‌కు అధికారిక గీతం విడుదల
దేశంలోని మొట్టమొదటి సాంకేతిక విశ్వవిద్యాలయమైన JNTU హైదరాబాద్‌కు ఇప్పుడు అధికారిక గీతం లభించింది. గీతాన్ని యూనివర్సిటీ పూర్వ విద్యార్థి, గేయరచయిత డా. భూత్కూరి రాజేష్ ఖన్నా రచించగా, సంగీత దర్శకుడు యశోకృష్ణ స్వరపరిచారు. వీసీ టి.కిషన్‌కుమార్ రెడ్డి ఆలోచనతో ఇది రూపుదిద్దుకుంది. జేఎన్టీయూ గేయం విశ్వవిద్యాలయ గౌరవాన్ని నలుదిశలా వ్యాపింపజేస్తోంది అని డా.రాజేష్ ఖన్నా అభిప్రాయపడ్డారు.
Similar News
News November 24, 2025
టీమ్ఇండియా బ్యాటింగ్ ఆర్డర్‌పై రవిశాస్త్రి ఫైర్
దక్షిణాఫ్రికాతో టెస్టు సిరీస్‌లో టీమ్ఇండియా బ్యాటింగ్ ఆర్డర్‌పై మాజీ క్రికెటర్ రవిశాస్త్రి ఫైరయ్యారు. రెండో టెస్టులో సుందర్‌ను ఎనిమిదో స్థానంలో పంపడం సరికాదన్నారు. ఈ ఆలోచన అర్థం లేనిదని మండిపడ్డారు. కోల్‌కతా(తొలి) టెస్టులో నలుగురు స్పిన్నర్లను ఆడించి, వారిలో ఒకరికి ఒకే ఓవర్ ఇవ్వడమూ సరైన నిర్ణయం కాదన్నారు. కనీసం స్పెషలిస్టు బ్యాటర్‌తో వెళ్లి ఉండాల్సిందని అభిప్రాయపడ్డారు.
News November 24, 2025
HYD: ‘విద్యార్థుల వివరాలు వారంలో పంపండి’
HYDలో ప్రభుత్వ, ప్రవేట్ పాఠశాలల్లో చదువుతున్న విద్యార్థుల వివరాలను వారంలోపు పంపిచాలని కలెక్టర్ హరిచందన సంబంధిత అధికారులను ఆదేశించారు. ప్రీ మెట్రిక్ స్కాలర్‌షిప్స్‌పై ఎస్సీ, ఎస్టీ, బీసీ సంక్షేమ శాఖ ఆధ్వర్యంలో ఏర్పాటు చేసిన సమావేశంలో DRO వెంకటాచారితో కలిసి ఆమె పాల్గొన్నారు. విద్యార్థుల వివరాలు వారంలోపు అందజేయాలని విద్యాశాఖ అధికారులు ఆదేశించారు.
News November 24, 2025
VPR దంపతులను కలిసిన జడ్పీ సీఈవో
నెల్లూరు ఎంపీ వేమిరెడ్డి ప్రభాకర్‌రెడ్డి, కోవూరు ఎమ్మెల్యే వేమిరెడ్డి ప్రశాంతిరెడ్డి దంపతులను నూతన జడ్పీ సీఈవో శ్రీధర్‌రెడ్డి సోమవారం మర్యాదపూర్వకంగా కలిశారు. ఇటీవల ఆయన్ను జిల్లా పరిషత్‌కు కొత్త సీఈవోగా ప్రభుత్వం నియమించింది. ఈ నేపథ్యంలో నగరంలోని వీపీఆర్‌ నివాసానికి వచ్చిన ఆయన వేమిరెడ్డి దంపతులను కలిసి బొకే అందించారు. ప్రజలకు మెరుగైన సేవలు అందించాలని వేమిరెడ్డి సూచించారు.