News October 4, 2025
శ్యామ ప్రసాద్ ముఖర్జీ పోర్ట్‌లో ఉద్యోగాలు
శ్యామ ప్రసాద్ ముఖర్జీ పోర్ట్‌ వివిధ పోస్టులకు నోటిఫికేషన్లు విడుదల చేసింది. వీటిలో సీకన్నీ(2), సౌండింగ్ సూపర్‌వైజర్ కమ్ డ్రాఫ్ట్స్‌మన్(3), జూనియర్ ఎలక్ట్రికల్ ఇంజినీర్(2) ఉన్నాయి. ఆసక్తి, అర్హతగల అభ్యర్థులు ఈనెల 24వరకు అప్లై చేసుకోవచ్చు. పోస్టును బట్టి ఇంటర్, ఇన్‌లాండ్ మాస్టర్ సర్టిఫికెట్, బీఈ/బీటెక్ ఉత్తీర్ణతతో పాటు పని అనుభవం ఉండాలి. వెబ్‌సైట్: https://smp.smportkolkata.in/
Similar News
News October 5, 2025
ఆలస్యం చేస్తే ఊరుకోను.. ట్రంప్ వార్నింగ్
తన ప్రకటనపై హమాస్ వేగంగా స్పందించాలని అమెరికా అధ్యక్షుడు <<17906657>>ట్రంప్ హెచ్చరించారు<<>>. ‘బందీలను విడుదల చేసేందుకు, శాంతి ఒప్పందాన్ని అమలు చేసేందుకు తాత్కాలికంగా బాంబింగ్ ఆపినందుకు ఇజ్రాయెల్‌ను అభినందిస్తున్నా. హమాస్ వైపు నుంచి ఏదైతే జరుగుతుందని అందరూ భావిస్తున్నారో అలాంటి ఆలస్యాన్ని నేను సహించను. బందీలను విడుదల చేసే ప్రక్రియను త్వరగా పూర్తి చేయండి. అందరితో న్యాయంగా వ్యవహరిస్తాం’ అని SMలో పోస్ట్ చేశారు.
News October 5, 2025
దసరా స్పెషల్.. ఆర్టీసీకి ₹110 కోట్ల ఆదాయం
దసరా నేపథ్యంలో ₹110 కోట్ల ఆదాయం సమకూరినట్లు TGSRTC తెలిపింది. 7,754 స్పెషల్ బస్సులు తిప్పాలని నిర్ణయించినా ప్రయాణికులు లేకపోవడంతో 5,300 బస్సులే నడిపినట్లు వెల్లడించింది. గతేడాది 6,300 ప్రత్యేక బస్సులు వేయగా ₹114 కోట్ల ఆదాయం వచ్చిందని పేర్కొంది. ఈసారి సొంతూళ్లకు వెళ్లేవారి సంఖ్య తగ్గడం, ప్రైవేట్ వాహనాలను ఆశ్రయించడంతో ఆదాయం తగ్గినట్లు వివరించింది. కాగా ఇవాళ, రేపు బస్సుల్లో రద్దీ పెరిగే ఛాన్స్ ఉంది.
News October 4, 2025
బిగ్‌బాస్-9: ఈవారం ఎలిమినేట్ ఎవరంటే?
బిగ్‌బాస్ సీజన్-9 రసవత్తరంగా సాగుతోంది. ఈ వారం రీతూ, ఫ్లోరా, సంజన, శ్రీజ, హరిత హరీశ్, దివ్య నామినేషన్‌లో ఉన్నారు. ఈ నాలుగో వారంలో దమ్ము శ్రీజ ఎలిమినేట్ అవుతుందని అంతా భావించారు. కానీ ఆమె ఓటింగ్‌లో సేవ్ అయ్యారు. తక్కువ ఓటింగ్ పర్సంటేజ్‌తో మాస్క్ మ్యాన్ హరిత హరీశ్ ఎలిమినేట్ అయినట్లు సమాచారం. ఈ ఎపిసోడ్ రేపు టెలికాస్ట్ కానుంది. మోనార్క్‌లా వ్యవహరించడం, టాస్క్‌లు ఆడకపోవడమే హరీశ్‌‌కు మైనస్ అయింది.