News June 27, 2024
‘కల్కి’కి తొలిరోజే రూ.200 కోట్ల కలెక్షన్స్?
ప్రభాస్ నటించిన కల్కి 2898AD సినిమా <<13517562>>పాజిటివ్<<>> టాక్‌తో దూసుకెళ్తోంది. ప్రపంచవ్యాప్తంగా అన్ని భాషల్లో కలిపి తొలిరోజే రూ.200 కోట్ల కలెక్షన్లను సాధించే అవకాశం ఉందని నేషనల్ మీడియా వెల్లడించింది. ముందస్తు బుకింగ్‌ల ఆధారంగా ఈ అంచనా వేసింది. మొదటి రోజే అత్యధిక వసూళ్లు సాధించిన ఇండియన్ చిత్రంగా రికార్డు సృష్టించనుందని పేర్కొంది. తొలివారంలోనే రూ.500 కోట్లను కొల్లగొట్టే అవకాశం ఉందని తెలిపింది.
Similar News
News November 29, 2025
ఈ శంఖం ఎంత మహిమాన్వితమైందో తెలుసా?
శంఖాన్ని సానుకూల శక్తికి సంకేతంగా చెబుతారు. అలాంటి పవిత్రమైన శంఖంలో మరో నాలుగు శంఖాలు ఉంటే దాన్నే పాంచజన్యం అంటారు. కృష్ణుడు ధరించింది ఈ పాంచజన్యాన్నే. ఇవి చాలా అరుదుగా ఉద్భవిస్తాయి. అయితే ఈ మహిమాన్విత పాంచజన్యం ఒకటి మైసూరు చాముండేశ్వరీదేవి ఆలయంలో ఉంది. దీన్ని దర్శిస్తే.. సకల పాపలు తొలగిపోతాయని, ప్రతికూల శక్తులు మనల్ని వదిలి వెళ్తాయని, ఫలితంగా శాంతి, ప్రశాంతత చేకూరుతాయని భక్తుల ప్రగాఢ విశ్వాసం.
News November 29, 2025
ఉత్తరలో చల్లిన పైరు, కత్తెరలో నరికిన కొయ్య
ఉత్తర నక్షత్రం సమయంలో (సెప్టెంబర్ నెలలో) విత్తిన పంట సాధారణంగా బాగా పండుతుంది, దిగుబడి పుష్కలంగా వస్తుంది. అలాగే కత్తెర కార్తె (కార్తిక మాసం-అక్టోబర్/నవంబర్ నెలల్లో) సమయంలో నరికిన కలప (కొయ్య) చాలా గట్టిగా ఉంటుంది. పురుగులు పట్టవు, ఎక్కువ కాలం మన్నుతుంది. సరైన సమయంలో చేసిన పని మంచి ఫలితాలను ఇస్తుందని, స్థిరంగా, పటిష్టంగా ఉంటుందని ఈ సామెత తెలియజేస్తుంది.
News November 29, 2025
నేడే లాస్ట్ డేట్
TG: తొలి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కు చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్లు అధికారులు వెల్లడించారు. తొలి విడతలో 4,236 సర్పంచ్, 37,440 వార్డులకు ఎన్నికలు జరగనున్నాయి.