News July 5, 2024
ఇండియాలో ‘కల్కి’ మేనియా.. జపాన్లో నేడు ‘సలార్’ రిలీజ్
పాన్ ఇండియా స్టార్ ప్రభాస్ హీరోగా ప్రశాంత్ నీల్ కాంబోలో తెరకెక్కిన బ్లాక్ బస్టర్ మూవీ ‘సలార్-1’ జపాన్లో ఇవాళ రిలీజైంది. గతేడాది డిసెంబర్ 22న భారత్లో రిలీజైన ఈ సినిమా ఆరు నెలల తర్వాత జపనీయులను మెప్పించేందుకు సిద్ధమైంది. ఈక్రమంలో IMAX-జపాన్ సోషల్ మీడియాలో ప్రమోషన్స్ కూడా చేస్తోంది. ప్రభాస్ సినిమాలకు జపాన్లో ఫ్యాన్స్ ఉన్న విషయం తెలిసిందే. ఇటీవల ‘కల్కి’ చూసేందుకు జపాన్ నుంచి పలువురు HYDకు వచ్చారు.
Similar News
News March 27, 2026
ఈ రామాలయాలు ప్రత్యేకం
రామాలయాల్లో లక్ష్మణుడు ఉండటం సహజం. కానీ కొన్ని క్షేత్రాల్లో రాముడు-సీత మాత్రమే కనిపిస్తారు. నిజామాబాద్ జిల్లా ఇందల్వాయిలోని ఏకశిలా విగ్రహంపై సీతను ఒడిలో కూర్చోబెట్టుకున్న రాముడి రూపం కనిపిస్తుంది. దేశంలో ఇలా ఉన్న ఆలయం ఇదొకటేనని పండితులు చెబుతున్నారు. ఇక ఒంటిమిట్ట రామాలయంలో ఆంజనేయుడు ఉండడు. వనవాసంలో ఈ ప్రాంతాన్ని సీతారాములు సందర్శించారని, అప్పటికి హనుమంతుడు పరిచయం కాకపోవడంతో ఆయన విగ్రహం ఉండదట.
News March 27, 2026
లిల్లీ పంటలో దుంపకుళ్లు తెగులు – నివారణ
లిల్లీ పంటలో దుంపకుళ్లు తెగులు అధిక తేమ మరియు శిలీంధ్రాల వల్ల వస్తుంది. ఇది పంట దిగుబడిని భారీగా దెబ్బతీస్తుంది. ఈ తెగులు సోకిన మొక్క ఆకులు పసుపు రంగులోకి మారతాయి. తెగులు తీవ్రమైతే మొక్క మొత్తం వడిలిపోయి, ఎండిపోతుంది. భూమిలో ఉన్న దుంపలు మెత్తబడి, కుళ్లిపోయి దుర్వాసన వస్తుంది. ఈ తెగులు నివారణకు లీటరు నీటికి హెక్సాకొనజోల్ 2ml లేదా ప్రొపికొనజోల్ 1ml కలిపి పిచికారీ చేయాలని నిపుణులు సూచిస్తున్నారు.
News March 27, 2026
పారాక్వాట్ను బ్యాన్ చేయండి.. PM, CMకు నటుడి విజ్ఞప్తి
TG: కలుపు నివారణకు వాడే పారాక్వాట్(గడ్డి మందు)ను బ్యాన్ చేయాలని నటుడు రాహుల్ రామకృష్ణ ప్రధాని మోదీ, సీఎం రేవంత్కు విజ్ఞప్తి చేశారు. దాన్ని తాగి తన సోదరుడు ఆత్మహత్య చేసుకున్నాడని ఆవేదన వ్యక్తం చేశారు. ఆ మందు సులభంగా దొరకడం వల్ల దుర్వినియోగం జరుగుతోందన్నారు. కాగా ఈ మందు విక్రయాలపై ప్రభుత్వం ఇప్పటికే <<19342790>>నియంత్రణ చర్యలు<<>> చేపట్టింది.