News June 11, 2024
పెరగనున్న ‘కల్కి’ టికెట్ ధరలు?
భారీ బడ్జెట్‌తో రూపొందుతోన్న ‘కల్కి’ సినిమాకు తెలుగు రాష్ట్రాల ప్రభుత్వాలు గుడ్ న్యూస్ చెప్పినట్లు తెలుస్తోంది. టికెట్ ధరలను పెంచుకునేందుకు గ్రీన్ సిగ్నల్ ఇచ్చినట్లు సినీవర్గాలు తెలిపాయి. ధరల పెంపు తర్వాత తెలంగాణలోని మల్టీప్లెక్స్‌లో ఒక్కో టికెట్ ధర రూ.413, సింగిల్ స్ర్కీన్‌లో రూ.236గా ఉండనుంది. అలాగే ఏపీలో టికెట్ ధర కనిష్ఠంగా రూ.206.5 నుంచి గరిష్ఠంగా రూ.354వరకు ఉంటుందట.
Similar News
News December 22, 2024
రూ.5,000 కోట్లతో జెఫ్ బెజోస్ మళ్లీ పెళ్లి
అమెజాన్ ఫౌండర్ జెఫ్ బెజోస్ మరోసారి పెళ్లిపీటలెక్కుతున్నారు. ఈ నెల 28న తన గర్ల్ ఫ్రెండ్ లారెన్ సాంచెజ్‌ను ఆయన వివాహమాడతారు. ఈ వేడుకను రూ.5,000 (600 మిలియన్ల డాలర్లు) కోట్ల ఖర్చుతో కొలరాడోలో గ్రాండ్‌గా నిర్వహించనున్నట్లు తెలుస్తోంది. వీరి పెళ్లికి అతిరథ మహారథులను ఆహ్వానిస్తారని సమాచారం. కాగా బెజోస్ గతంలో మెకంజీ స్కాట్‌ను పెళ్లి చేసుకుని విడాకులు ఇచ్చారు. వీరికి నలుగురు పిల్లలు ఉన్నారు.
News December 22, 2024
మనవడి రికార్డు.. చంద్రబాబు ప్రశంసలు
నారా వారసుడు దేవాన్ష్ <<14952633>>ప్రపంచ రికార్డు<<>> సృష్టించడంతో తాత, ఏపీ సీఎం చంద్రబాబు నాయుడు Xలో సంతోషం వ్యక్తం చేశారు. కృషి, పట్టుదల, అంకితభావం విజయానికి కీలకమని, ఈ లక్ష్యాన్ని చేరుకునేందుకు కొన్ని నెలలుగా దేవాన్ష్ పడిన కష్టాన్ని చూసి గర్విస్తున్నట్లు పేర్కొన్నారు. దేవాన్ష్ నిబద్ధత కళ్లారా చూశామని, ఈ ఘనత అందుకోవడం గర్వంగా ఉందని తల్లిదండ్రులు లోకేశ్, బ్రహ్మణి ట్వీట్ చేశారు.
News December 22, 2024
క్రిస్మస్ సెలవులు ఎన్ని రోజులంటే?
తెలుగు రాష్ట్రాల్లో క్రిస్మస్ సెలవులపై కొందరు అయోమయానికి గురవుతున్నారు. తెలంగాణలో ప్రభుత్వ క్యాలెండర్ ప్రకారం ఈ నెల 25, 26న పబ్లిక్ హాలిడేస్ ఉన్నాయి. ఆ రెండు రోజులు స్కూళ్లు, ప్రభుత్వ ఆఫీసులకు సెలవులు ఉంటాయి. 24న ఆప్షనల్ హాలిడే ఉండటంతో కొన్ని స్కూళ్లు ఆ రోజూ సెలవు ప్రకటించే అవకాశం ఉంది. మరోవైపు ఏపీలో 25న మాత్రమే పబ్లిక్ హాలిడే ఉండగా, 24, 26 తేదీల్లో ఆప్షనల్ హాలిడేస్ ఇచ్చారు.