News September 18, 2024
ట్రంప్నకు ఫోన్ చేసి పరామర్శించిన కమల
డొనాల్డ్ ట్రంప్పై మరోసారి <<14112153>>హత్యాయత్నం<<>> జరిగిన నేపథ్యంలో ఆయనకు ఉపాధ్యక్షురాలు కమలా హారిస్ ఫోన్ చేసి పరామర్శించారు. ఆయన క్షేమంగా ఉండటంపై సంతోషం వ్యక్తం చేసినట్లు వైట్హౌస్ వెల్లడించింది. ట్రంప్నకు సమీపంలో కాల్పుల ఘటనను ఆమె ఇప్పటికే ఖండించారు. వచ్చే అధ్యక్ష ఎన్నికల్లో వీరిద్దరూ పోటీ పడుతున్న విషయం తెలిసిందే. రిపబ్లికన్ పార్టీ నుంచి ట్రంప్, డెమొక్రాట్ పార్టీ నుంచి కమలా బరిలో దిగుతున్నారు.
Similar News
News January 31, 2026
స్కూళ్లలో ‘ఆధార్’ క్యాంపులు
TG: విద్యార్థుల ఆధార్ రిజిస్ట్రేషన్, అప్డేట్ కోసం స్కూళ్లలో స్పెషల్ ఆధార్ మొబైల్ క్యాంపులు ఏర్పాటు చేస్తున్నట్లు పాఠశాల విద్యాశాఖ తెలిపింది. ఈ సెంటర్లు ఎప్పుడు, ఏ స్కూలులో ఉంటాయో తెలుసుకునేందుకు డీఈవో, ఎంఈవోలను సంప్రదించాలని సూచించింది. 5-15, 15-17 ఏళ్ల వయసున్న అన్ని స్కూళ్ల విద్యార్థుల ఫస్ట్ బయోమెట్రిక్ అప్డేట్ ఉచితమని, రెండోసారి అయితే ₹125, వివరాల మార్పునకు ₹75 చెల్లించాలని అధికారులు తెలిపారు.
News January 31, 2026
శని త్రయోదశి నాడు పఠించాల్సిన శ్లోకం
నీలాంజన సమాభాసం రవిపుత్రం యమాగ్రజమ్|
ఛాయా మార్తాండ సంభూతుడు తం నమామి శనైశ్చరమ్||
నేడు ఈ శ్లోకాన్ని కనీసం 11 సార్లు పఠించడం వల్ల శని గ్రహ పీడలు తొలగుతాయని పండితులు చెబుతున్నారు. అలాగే ‘‘ఓం ప్రాం ప్రీం ప్రౌం సః శనైశ్చరాయ నమః” అనే మంత్రాన్ని పఠించాలంటున్నారు. ‘‘ఓం నమః శివాయ’’ పంచాక్షరీ మంత్రాన్ని జపించినా విశేష ఫలితాలుంటాయని, వల్ల మానసిక ప్రశాంతత కలుగుతుందని సూచిస్తున్నారు.
News January 31, 2026
యాంగ్జైటీని తగ్గించే ముద్ర
ఒత్తిడి వల్ల ప్రస్తుతకాలంలో చాలామంది యాంగ్జైటీకి గురవుతున్నారు. దీనికి వజ్ర పద్మ ముద్ర పరిష్కారం చూపుతుంది. రెండు చేతుల వేళ్లనూ ఒకదానితో ఒకటి కలిపి బొటనవేలును కూడా దగ్గరగా పెట్టుకోవాలి. ఛాతీభాగానికి అంటించకుండా కొద్ది దూరానుంచాలి. కళ్లు మూసుకుని మెల్లగా శ్వాసపై ధ్యాస పెట్టాలి. యాంగ్జైటీ ఎక్కువగా ఉన్నవాళ్లు రోజుకు 5నిమిషాల చొప్పున మూడుపూటలా చేయండి. దీన్ని తినగానే మాత్రం చేయకూడదు.