News September 16, 2024
లెఫ్టినెంట్ గవర్నర్ అపాయింట్మెంట్ కోరిన కేజ్రీవాల్

లెఫ్టినెంట్ గవర్నర్ను కలిసేందుకు ఢిల్లీ CM కేజ్రీవాల్ సిద్ధమయ్యారు. మంగళవారం భేటీ అయ్యేందుకు అపాయింట్మెంట్ కోరినట్లు తెలుస్తోంది. ఎల్జీకి తన రాజీనామా లేఖను కేజ్రీవాల్ సమర్పించే అవకాశముంది. ఇవాళ సాయంత్రం ఆప్ పొలిటికల్ ఎఫైర్స్ కమిటీ సమావేశమై తదుపరి CM ఎవరనే దానిపై నిర్ణయం తీసుకోనుంది. లిక్కర్ స్కాంలో తనను నిర్దోషిగా నిరూపించుకునేంత వరకు సీఎం పదవిలో ఉండనని కేజ్రీవాల్ ప్రకటించిన సంగతి తెలిసిందే.
Similar News
News November 29, 2025
తెలుగులో ‘రాజమౌళి వారణాసి’గా మూవీ రిలీజ్?

రాజమౌళి-మహేశ్బాబు కాంబినేషన్లో తెరకెక్కుతోన్న ‘వారణాసి’ మూవీని మరో నిర్మాణ సంస్థ తెలుగులో రిజిస్టర్ చేసుకున్న విషయం తెలిసిందే. తాజాగా ఈ టైటిల్పై వివాదం సద్దుమణిగినట్లు సమాచారం. దీంతో తెలుగులో ‘రాజమౌళి వారణాసి’, మిగిలిన అన్ని భాషల్లో ‘వారణాసి’ పేరుతోనే సినిమాను రిలీజ్ చేయనున్నట్లు తెలుస్తోంది. మేకర్స్ త్వరలోనే దీనిపై అధికారిక ప్రకటన చేసే అవకాశం ఉంది. కాగా ఈ చిత్రం 2027 వేసవిలో రిలీజ్ కానుంది.
News November 29, 2025
రాజధాని రైతుల సమస్యలకు నెలలో పరిష్కారం: పెమ్మసాని

AP: రాజధాని అమరావతి రైతులకు పింఛన్లు, హెల్త్ కార్డు సమస్యలను నెలలో పరిష్కరిస్తామని కేంద్ర మంత్రి పెమ్మసాని చంద్రశేఖర్ తెలిపారు. గ్రామ కంఠాలు, జరీబు భూములపై సర్వే చేస్తామని, ఎవరికీ అన్యాయం జరగనివ్వమని స్పష్టం చేశారు. అసైన్డ్ ల్యాండ్స్, లంక భూములపై వచ్చే క్యాబినెట్ సమావేశంలో నిర్ణయం తీసుకునే అవకాశం ఉందని మంత్రి నారాయణ చెప్పారు. ప్రతి రెండువారాలకోసారి రైతులతో సమావేశమై సమస్యలు వింటామని హామీ ఇచ్చారు.
News November 29, 2025
ప్రజలు ఇళ్లల్లోనే ఉండాలి: మంత్రి అనిత

AP: భారీ వర్షాల సమయంలో ప్రజలు ఇళ్లల్లోనే ఉండాలని మంత్రి అనిత సూచించారు. సాయం కోసం టోల్ ఫ్రీ నంబర్లను 112, 1070, 18004250101 సంప్రదించాలన్నారు. దిత్వా తుఫాన్పై అధికారులతో సమీక్షించారు. రేపు, ఎల్లుండి ప్రకాశం, NLR, SSS, కడప, అన్నమయ్య, చిత్తూరు, TPT జిల్లాల్లో భారీ వర్ష సూచన ఉన్న నేపథ్యంలో ఎప్పటికప్పుడు ప్రభావిత జిల్లాలను అలర్ట్ చేయాలని ఆదేశించారు. సహాయక చర్యలకు SDRF, NDRF బృందాలు పంపించాలన్నారు.


