News January 21, 2025
గ్రామ, వార్డు సచివాలయాలకు కీలక ఆదేశాలు
AP: కులగణన డేటాను గ్రామ, వార్డు సచివాలయాల్లో ప్రదర్శించాలని రాష్ట్ర ప్రభుత్వం ఆదేశించింది. గతంలో విధించిన గడువు జనవరి 20వ తేదీతో ముగియగా, తాజాగా దాన్ని 23వ తేదీ వరకు పొడిగించింది. అన్ని సచివాలయాల్లో కులగణన డేటా ప్రదర్శించేలా అధికారులు చర్యలు చేపట్టాలని ప్రభుత్వం పేర్కొంది. అలాగే 1000 సచివాలయాల్లో ఆధార్ సేవలు అందుబాటులోకి తీసుకొచ్చేలా కిట్లు కొనుగోలు చేయాలని నిర్ణయించింది.
Similar News
News January 23, 2026
TTD ట్రస్టులకు రూ.2.50 కోట్ల విరాళం
AP: TTDలోని పలు ట్రస్టులకు హైదరాబాద్కు చెందిన పీఎల్ రాజు కన్స్ట్రక్షన్స్ లిమిటెడ్ రూ.2.50కోట్ల భారీ విరాళాన్ని శుక్రవారం అందించింది. శ్రీవేంకటేశ్వర ప్రాణ, విద్యాదాన ట్రస్టులకు చెరో రూ.75లక్షలు, బర్డ్ ట్రస్టుకు రూ.50లక్షలు, అన్నప్రసాదం, గోసంరక్షణ ట్రస్టులకు చెరో రూ.25లక్షల విలువైన డీడీలను TTD అదనపు EOకు సంస్థ అధినేత అందజేశారు.
News January 23, 2026
పుట్టు వెంట్రుకలు ఎప్పుడు తీయాలంటే?
మగపిల్లలకు 3, 5, 7, 9, 11వ నెలలో లేదా 3వ ఏట, ఆడపిల్లలకు 4, 6, 8, 10, 12వ నెలలో లేదా సరి సంవత్సరాల్లో ఈ కార్యం చేయాలని జ్యోతిష నిపుణులు సూచిస్తున్నారు. సోమ, బుధ, గురు, శుక్రవారాలు పుట్టు వెంట్రుకలు తీయడానికి అత్యంత శ్రేష్ఠమైనవని చెబుతున్నారు. ఆది, మంగళ, శనివారాలను నివారించాలని శాస్త్రం చెబుతోంది. వీలైనంత వరకు ఉదయం పూట, ముఖ్యంగా ‘సింహ లగ్నం’ లేదా ఇతర శుభ లగ్నాల్లో ఈ కార్యక్రమం నిర్వహించడం మంచిది.
News January 23, 2026
శాతావాహన యూనివర్సిటీలో మెగా జాబ్ మేళా
TG: కరీంనగర్లోని శాతావాహన యూనివర్సిటీలో రేపు మెగా జాబ్ మేళా నిర్వహించనున్నారు. 50 కంపెనీలు IT, ఫార్మా, నర్సింగ్, హాస్పిటాలిటీ, బ్యాంకింగ్, రిటైల్, FMCG, మేనేజ్మెంట్ విభాగంలో 5వేల పోస్టులను భర్తీ చేయనున్నాయి. బీటెక్, ఎంటెక్, డిగ్రీ, పీజీ, ఫార్మా, నర్సింగ్ అర్హత గల అభ్యర్థులు ముందుగా రిజిస్ట్రేషన్ చేసుకోవాలి. వర్సిటీ, నిపుణ హ్యూమన్ డెవలప్మెంట్ సొసైటీ ఆధ్వర్యంలో జాబ్ మేళా నిర్వహిస్తున్నారు.