News October 10, 2024
కేరళ అసెంబ్లీ కీలక తీర్మానం
ఒకే దేశం, ఒకే ఎన్నిక ప్రతిపాదనకు వ్యతిరేకంగా కేరళ అసెంబ్లీ ఏకగ్రీవంగా తీర్మానించింది. రాజ్యాంగ వ్యతిరేకమైన ఈ నిర్ణయాన్ని కేంద్రం వెనక్కి తీసుకోవాలని పార్టీలు డిమాండ్ చేశాయి. సమాఖ్య స్ఫూర్తిని దెబ్బతీసే ఇలాంటి చర్యలతో దేశంలో కేంద్రీకృత పరిపాలనా వ్యవస్థ అమలు చేయడానికి BJP-RSS కుట్ర చేస్తున్నాయని మండిపడ్డాయి. జమిలి ఎన్నికలను వ్యతిరేకిస్తూ తీర్మానం చేసిన మొదటి రాష్ట్రంగా కేరళ నిలిచింది.
Similar News
News December 2, 2025
హనుమద్వ్రతం ఎందుకు చేయాలి?
హనుమద్వ్రత ఫలితం కార్యసాధనకు తోడ్పడుతుందని, పనులను నిర్విఘ్నంగా పూర్తి చేస్తుందని పండితులు చెబుతున్నారు. ‘స్వామిని మనసారా స్మరిస్తే ధైర్యం చేకూరి కార్యోన్ముఖులు అవుతారు. సకల భయాలూ నశిస్తాయి. గ్రహ పీడలు, పిశాచ బాధలు దరిచేరవు. మానసిక వ్యాధులు తొలగిపోయి, మనసులో ప్రశాంతత, సానుకూలత నెలకొంటాయి. ఇది విజయాన్ని, శాంతిని, రక్షణను ఏకకాలంలో ప్రసాదించే శక్తివంతమైన వ్రతం’ అని అంటున్నారు. జై హనుమాన్!
News December 2, 2025
ఊటనేల దున్నినా, మట్టి పిసికినా, ఫలితం బురదే
ఊటనేల ఎప్పుడూ నీరు ఊరుతూ ఉండే, సహజంగానే చిత్తడిగా ఉండే భూమి. ఆ నేలలో ఎంత కష్టపడి నాగలితో దున్నినా లేదా చేతులతో మట్టిని పిసికి గట్టి పరచడానికి ప్రయత్నించినా దాని స్వభావం మారదు. చివరికి మిగిలేది గట్టిపడని, వ్యవసాయానికి పనికిరాని బురద మాత్రమే. కొన్నిసార్లు కొందరి మనుషుల స్వభావాన్ని ఎంత మార్చాలని ప్రయత్నించినా అవి మారవు. దాని వల్ల మన శ్రమే వృథా అవుతుందని ఈ సామెత చెబుతుంది.
News December 2, 2025
రాజీనామా వెనక్కి తీసుకున్న జకియా ఖానం!
AP: శాసనమండలి అభ్యర్థిత్వానికి రాజీనామా చేసిన ఆరుగురు MLCలను ఛైర్మన్ మోషేన్ రాజు నిన్న పిలిపించి మాట్లాడారు. ఈ సందర్భంగా జకియా ఖానం తన రాజీనామా వెనక్కి తీసుకున్నారు. పదవీకాలం 7నెలలే మిగిలి ఉందని, ఎన్నిక నిర్వహించడానికి టైం ఉండదని ఛైర్మన్ చెప్పడంతో రాజీనామా ఉపసంహరించుకున్నారు. మిగతా MLCలు కర్రి పద్మశ్రీ, కళ్యాణ చక్రవర్తి, సునీత, జయమంగళ, మర్రి రాజశేఖర్లు తమ రాజీనామాలకు కట్టుబడి ఉన్నట్లు తెలిపారు.