News August 31, 2025
వచ్చే నెల 6న ఖైరతాబాద్ గణేశ్ నిమజ్జనం
TG: ఖైరతాబాద్ విశ్వశాంతి మహా గణపతిని సెప్టెంబర్ 6న నిమజ్జనం చేయనున్నట్లు ఉత్సవ సమితి ప్రకటించింది. సెప్టెంబర్ 7న చంద్ర గ్రహణం ఉండటంతో వినాయక నిమజ్జనాలపై అనేక సందేహాలు నెలకొన్న నేపథ్యంలో స్పష్టతనిచ్చింది. ఇవాళ ఆదివారం కావడంతో ఖైరతాబాద్ మహా గణపతిని దర్శించుకునేందుకు భక్తులు భారీగా తరలివస్తున్నారు.
Similar News
News September 1, 2025
పెద్ద రాష్ట్రాల్లో ఏపీదే అత్యధిక వృద్ధి రేటు: TDP
AP: సూపర్ సిక్స్ సంక్షేమమే కాదు, అభివృద్ధిలోనూ రాష్ట్రం సూపర్‌గా దూసుకెళ్తోందని టీడీపీ తెలిపింది. గతేడాదితో పోలిస్తే ఈ ఆగస్టులో జీఎస్టీ వసూళ్లలో 21శాతం పెరుగుదల నమోదైందంటూ కేంద్ర ప్రభుత్వం రిలీజ్ చేసిన రిపోర్ట్‌ను ట్వీట్ చేసింది. దేశంలోని పెద్ద రాష్ట్రాల్లో ఏపీదే అత్యధిక వృద్ధి రేటని స్పష్టం చేసింది. అదే సమయంలో జీఎస్టీ వసూళ్లలో తెలంగాణ ఆగస్టులో 12శాతం వృద్ధి సాధించింది.
News September 1, 2025
KTR సంచలన ట్వీట్
TG: కవిత వ్యాఖ్యలకు కౌంటర్‌గా BRS <<17583241>>పోస్ట్<<>> చేసిన హరీశ్ రావు వీడియోను KTR రీట్వీట్ చేశారు. ‘ఇది మా డైనమిక్ లీడర్ హరీశ్ రావు ఇచ్చిన మాస్టర్ క్లాస్’ అని క్యాప్షన్ ఇచ్చారు. అలాగే ‘KCR ప్రియశిష్యుడి నుంచి కాంగ్రెస్ ఎమ్మెల్యేలు, మంత్రులు ఇరిగేషన్ గురించి ఎంతో నేర్చుకుని ఉంటారని ఆశిస్తున్నా’ అని కొనియాడారు. హరీశ్‌పై కవిత కామెంట్స్‌ నేపథ్యంలో కేటీఆర్ చేసిన ఈ ట్వీట్ రాజకీయ వర్గాల్లో సంచలనంగా మారింది.
News September 1, 2025
YCP నేతలు చీరలు కట్టుకుని బస్సులు ఎక్కాలి: అచ్చెన్న
AP: మహిళలకు ఉచిత ప్రయాణం అమలవుతోందో లేదో తెలియాలంటే YCP నేతలు చీరలు ధరించి బస్సులు ఎక్కితే తెలుస్తుందని మంత్రి అచ్చెన్నాయుడు సెటైర్లు వేశారు. ప్రజలకు ఇచ్చిన హామీలను TDP నిలబెట్టుకుందని చెప్పారు. ‘అధికారంలో ఉన్నప్పుడు YCP నేతలు ప్రజా సమస్యలు పట్టించుకోలేదు. ప్రతిపక్షంలో ఉన్నప్పుడు మాత్రం విమర్శలు చేస్తున్నారు. మా ప్రభుత్వం ప్రజల కోసమే పనిచేస్తోంది. సూపర్ సిక్స్ హామీలు నెరవేర్చాం’ అని ఆయన తెలిపారు.